Oxib’ ik’ k’ut xek’oji pa República Dominicana, e 89 k’ak’al winaq e aj iximulew rech xetijoxik chi rij ya’talil winaqil xuquje’ rech utz kilik kachajixik ri e ajpache’ kakib’ano, rech umajik ukojik ri K’ak’ Ub’anikil Ya’olchajinik pa le Kisuk’umaxik le ajpache’ pa le Wokajil Tz’apib’alil ri’. Eri loq’ ilb’anik ri’ rech uya’ik kiwujil rech xetijoxik ri’ are xk’am ub’e rumal ri Ministro rech Gobernación Francisco Rivas, kuk’ ri uviceministros xuquje’ rumal ri Nima K’amal b’e Amaq’il, Jimmy Morales; xuquje’ kumal ri q’atb’altzij rech ri Embajada rech Estados Unidos xuquje’ rech República Dominicana.

Eri nima k’amal b’e rech we Amaq’il xub’ij che we jun b’anow patan ri’, are ri’ jun b’anow upatanixik ri saqilb’anem ri’ xuquje’ rech uq’atexik ri b’anow elaq’ pa taq taqawokajil ri’, rumal k’ut eri k’ak’ eqa’lenela’ xetijoxik ri’ e are k’ut ri nab’e puq eqa’lenelab’ pa uwachulew rech kejachin pa japache’ ri’.

Rumal ri’ eri taqawokajnel rech ya’olchajinik pa amaq’ ri’, xuki’kotirsaj eri k’ak’ taq eqa’lenelab’ pa le unimaxik kichak patan pa we amaq’ ri’ xuquje’ xub’ij ri’ che are jun nim retalil uk’exik uwach ri wokajil ri are kumajo jun b’anow taqanik pa tinamit ri’, pa le utz kilik ri winaq e ajpache’ pa le k’ak’ ub’anikil taqanik ri’.

 “Xuki’kotirsaj kuwach ri nab’e puq eqa’lenelab’ rech ya’olchajinik chi ke e ajpache’ ri’ xuquje’ chi ke ri jun molaj e ajno’jchakunelab’ ri kek’oji pa keqale’nib’al ri’, kuk’ ri eqa’lenelab’, rech ri k’ak’ ub’anikil ya’olchajinem ri’”, xcha’ ri Rivas.

Eri Rivas xub’ij che ri alab’om alitom ri’ ri xecha’ik rumal Estados Unidos xuquje’ ri República Dominicana, e are amaq’ib’ k’ut kakiya’ ri tijonem xuquje’ e are katojow rech ri pwaq kasach ri’.

Xuquje’ eri Ricardo Guzmán, viceministro rech ya’olchajinik xub’ij che “kojtajin che rok’owisaxik pa keb’ uwach nimaq’ij ri’, eri jun kech ri k’ak’ eqa’lenelab’ ub’anikil Taqanik pa Japache’ pa Iximulew ri’ eri jun chik are rech xjaq uwach ri Katijoxik ri nik’aj chik e k’ak’ eqa’lenelab’ ri ketijoxik ri’”.

Eri Guzmán xub’ij che mat b’it ruk’ kitob’anik kipixb’anik ri winaqilal ri’, kab’antaj ta ri’ kakojik we K’ak’ Ub’anikil Taqanik ri’ xuquje’ are wari’, sib’alaj karaj kitob’ab’al ri utzalaj taq winaq e aj iximulew ri’, “chi’ k’u ri’ xel wi rech xkoj ub’i’ che ri Patronato Nacional rech K’ak’ Ub’anikil taqanik pa japache’ ri’, xa’rumal k’ jun nim tob’anik ya’tal chi rij pa ub’eyal no’jk’aslemal xuquje’ winaqilal ri’”.

Eri Rolando Escobar, nim k’amal b’e rech ri facultad rech Derecho rech ri Universidad Rafael Landívar (URL), xub’ij che “kaqak’am uq’ab’il chak patanil ri’ rech ya’b’al tob’anik che ri cholchak ri’, che ri cholb’al chak, che ri ch’ob’otal chak ri’ kuya’o kub’sib’al k’u’x che ri b’anow tijonem xuquje’ rech ke’usuk’umaj ri e ajpache’ rech e utz chik ketzalij pa taq kachoch katinamit ri’”.

Xuquje’ xuya’ ub’ixik che k’o nim kupatanij qas le rikik ri Patronato Nacional rech Taqanik pa Japache’ ri’, ri kuya’ ri’ rech kaya’ jun tob’anik che ri ub’eyal kub’sib’al cholchak ri’ pa le k’ak’ ub’anikil taqanik pa Iximulew ri’ aretaq kok’ow ri q’ij k’ut eri japache’ tz’apib’al ri’ ke’ok che uk’olib’em q’atenik b’anow k’ax ri’ xuquje’ ke’ok ri’ che jamalil ri kuya’ pa jumul chik ri winaq kakisuk’umaj kib’ rech man k’ot chik k’ax kakib’an ri’.

COMPARTIR