Eri MINGOB k’o kaya’taj na che ri AFIS pa le 2017

338

Eri Ministerio rech Gobernación pa reqale’nib’al uchak upatan ri viceministerio rech Tecnologías rech Q’axaltzijolil xuquje’ Tzijob’enik, pa reqale’n ri Walter Girón, xuya’ ub’ixik che pa le 2017 eri Wokajil Ajchajil Tinamit (PNC) ya’tal ri’ che 390 Nuk’wokaj rech Ilb’al rech Uwi’q’ab’aj ri Winaqib’ ri’ AFIS (are  ub’i’ pa ingles), che ri rajil pa ronojel are $300 mil dólares ri’.

Are wa’ kuya’ chi ke konojel taq ri comisarías e k’o pa we amaq’ ruk’ jun chik nuk’wokajil no’jb’anemalil ri k’o pa uq’ijol ri’ rech kakoj pa taq le ya’olchajinik kab’an chuxo’l ja pa nimatinamit ri’ pa we amaq’ rech rilik kitzijol ri winaqib’ che ri man k’ot kiwujil ri’ xuquje’ ri taqom kichapik rumal q’atb’altzij ri’.

 “Are wa’ k’o jun nim kupatanij che jujun taq comisaría we kak’oji jun no’jchakub’al AFIS ri’ kuk’, xa’rumal are kuya’ pa retal rech pa aninaqil kechap ri winaq ri’; xuquje’ kaya’ pa utzijol che pa keb’ oxib’ q’ij ri’ kakoj na jun no’jchakub’al k’ax ta kakojik rech ketzukux ri winaq ri’, are wari’ rech man k’ot keb’ k’u’x kab’an che kichapik ri winaq ri’”, xcha’ ri Girón.

Eri AFIS katob’anik che uchapik jun winaq ri’, rech kuya’ kitzijol xuquje’ rech pa aninaqil kuya’o kajunumisaxik retal uwi’kiq’ab’ ruk’ rachib’al jun winaq ri’, eri no’jchakub’al ri’ are kakoj rumal ri Wokajil Ajchajil Tinamit ri’ (PNC).

Eri Girón xub’ij che k’o ri’ 90 no’jchakub’al ri’, 24 chi ke ri’ xkoj ri’ pa taq ri comisarías ri k’o pa taq le tinamit pa we amaq’ ri’ xuquje’ k’o 66 ri’ xkoj pa taq le k’olib’al kojom pa taq le ya’olchajinem tzukunik ri’ xuquje’ pa taq le chapow winaq kumal ri ajchajil tinamit ri’.

COMPARTIR