Pa le ukab’ riqb’al ib’ rech b’anow chomanik che ri xub’an ri Ministro rech Gobernación, Francisco Rivas Lara, eri viceministro rech Ya’olchajinik, Ricardo Guzmán, kuk’ ri diputados rech ri b’anow chomanik rech Gobernación rech ri Congreso rech pa Amaq’il ri’, k’o oxib’ ub’ixik taqanik xjach chi’, are rech kaq’atexik ropanb’al retalil ri ch’a’wb’alil q’axaltzij ruk’ ri retal uwachwujil pa kemamtzij pa taq ri japache’ ri’, rech kak’exik ri taqanik rech ri Wokajil Ajchajil Tinamit (PNC) xuquje’ rech kakoj che uq’atexik ri k’ayin awan jastaq che ri ko’k loq pa we amaq’ ri’.

Rajawaxik kak’exk ri taqanik rech ri uwokajil ri PNC ri’ are rech kuya’ pa saqil loq’ob’al uchak patan ri e ajchajil tinamit ri’, xuquje’ rech kakojik jun nimretalil tijob’enik rech reta’mab’alil ajchajil tinamit xuquje’ rech kajikomax ri k’amal b’e rech taq ajchajin tinamit ri’.

E chi rij uq’atexik ri retal taq ch’a’wb’alil rech q’axaltzij ri’ ruk’ ri retalil ri uwachwuj pa kemamtzij pa taq le japache’ ri’, are rech eri e tz’apil chi’ man ya’tal ta chi ke rech man kakikoj taj pa ub’anik k’ax kamisanik ri’ chi ke ri winaqil e aj iximulew jacha’ ri e utz taq ajchak ri’.

Jeri’, eri q’atb’altzij rech gobernación ri’, xkijach pa k’utik jun ub’ixik taqanik rech kakojik pa le uq’atexik ri k’ayin taq jastaqil pa we amaq’ ri’, rech aretaq karaqatajik rech ya’talil kakoj b’a’ pa taq le wokajil rech ri taqawokaj pa we amaq’ ri’.

“Are taq wa’ ri oxib’ ub’ixik taqanik che ri xjaq pa kiq’ab’ ri Comisión rech Gobernación ri’, are rech b’a’ kojkita’o che utzukuxik ri jun qojom pwaq pa le Banco Centroamericano rech Integración Económica xuquje’ rech are tob’ab’al kakojik rech kab’an utzilem pa taq le jalajoj ri wokajil taq che ri rajawaxik chi ke rech utz ub’anik ri chak patan pa we amaq’ ri’”, xcha’ ri Rivas Lara.

Eri qojom pwaq bancario ri’ are rech kakojik pa uya’ik rachoch k’olib’al ri wokajil ajchajil tinamit ri’, xuquje’ rech kaloq’ik ri ujastaq uchakub’al ch’a’wb’alil ri’.

Rumal k’u ri’ eri k’amal b’e rech ri Comisión rech Gobernación rech B’anol Taqanib’al pa Amaq’, Napoleón Rojas, xub’ij che ketob’an na rech kakojik ri ub’ixik taqanik ri’ rech ri taqawokajil ya’olchajinik ri’, rech katzukuxik kachomaxik ri k’axk’olil che ri kak’ulmatajik pa taq ri japache’ ri’.

Xuquje’ eri diputados, xkiya’ kitzij chi rij ri’ xkib’ij che ki’kotem chi ke ri utzalaj chak b’anom ri’ kumal ri q’atb’altzij rech gobernación pa le usuk’umaxik uwach ri wokajil japache’ xuquje’ rech uq’atexik ri elaq’ toq’inik wpaq che ri tajin kab’an k’a pa taq le japache’ ri’, jeri’ pa ub’anik utz che b’anow tijob’enik pa le wokajil ajchajil tinamit ri’.

COMPARTIR