Eri Mingob k’o ya’olchajinik kuya’ na chi ke winaqil xuquje’ che ri umeb’il amaq’

192

Pa le k’utb’al rech ri Jaqatil Chomanik chi rij ri’ Jaqatil uwach Pwaqil rech Tojb’al chak patan ri’, che ri juntir konojel ri Ministerios ri’ ketajin che uya’ik ub’ixik chi ke ri winaq tinamit e aj iximulew ri’, rumal ri’ eri Taqawokajnem rech Ya’olchajinik pa amaq’ ri’, xuya’ k’ut utzijol che pa jun chik junab’ ri’ qas e chatalik ri cholb’al chak rech ya’olchajinik ri’ kaya’taj chi ke winaq ri’ xuquje’ che ri umeb’il we amaq’ ri’, are jun kapatanix ri’ rumal ri PNC xuquje’ eri jun chik kapatanix rumal ri Wokajil Japache’ ri’.

Chi rij wa’ eri viceministro rech Ya’olchajinik, Ricardo Guzmán xuya’ ub’ixi che we nik’aj cholchak ri’ are kunimaj ri taqom uchakuxik rumal ri taqanem rumal ri taqanawuj pa amaq’ ri’ are ri’ kukoj ri Mingob’ ri’ xuquje’ xuya’ ub’ixik che pa le q’atel b’anow k’ax ri’, are qas keq’atexik ri’ eri b’anol taq kamisanik xuquje’ are keq’atexik eri molaj k’ayin awan kunb’alil are wari’ pa le 2016 xraqatajik xq’atexik pa ronojel aer 12 mil upajb’alil ri cocaína ri’, pa juntir utzijolil uk’aslemam pa we amaq’ ri’, junam ruk’ are xq’atexik ri b’anow k’ax kuya’ ri jun k’ax ri’.

E k’o ri’ ya’olchajinik ri k’o nim xupatanij pa le q’atenik che ri b’anow elaq’ toq’inik pwaq ri’ ruk’ wa’ e k’o k’i taq winaq xta’ uwach kik’aslemal ri’ rumal ri’ man k’ot chik xkamisan kech ri’ xuquje’ xta’ uwach kijastaq kimeb’ilal le winaqilal ri’.

Rumal ri’ eri viceministera Administrativa, Vilma del Rosario Xicará, xuya’ ub’ixik ucholaj che we kamik ri’ eri pwaqil tojb’al uchak ri Mingob’ ri’ are ri’ pa ronojel 5 mil 455 millones chi pwaqilem ri’, xuquje’ we kamik chik ri’ are katajin uta’ik pa ronojel 1,005 millones chi pwaqilem chik ri’, are rech kajach chi kij kitojik ri e rajchak ri’ le 237 millones ri’, k’o 125 rech kakoj pa taq yakonik kab’an ri’, k’o 177 kakoj che uloq’ik atz’iyaqb’al ri’, k’o 19 chik kakoj rech kaloq’ij k’aqb’alil ri’, eri 139 chik are kakoj pa le ub’anik jikom che ri chak patan ri’ xuquje’ rech kaya’ pa uq’ijol ri uwachwuj pa kemamtzij ri’, eri 80.7 are kakoj che ri chakub’al rech q’axaltzijol ri’ xuquje’ eri 240 millones chik are rech kakoj pa taq le jastaq kaloq’ ri’.

“We kaqilo ri ya’talil pa jujun taq retalil rajil ri’, are wa’ kajach pa taq le cholb’al chak rech q’atel k’ax ri’ xuquje’ ri jun chik uwach are kakoj chi kij ri e tz’apil pache’ ri’, rumal ri’ sib’alaj rajawaxik b’a’ kaqaya’o uchuq’ab’ kichak kipatan ri eqa’lenelab’ rech ri PNC, jeri’ chi ke ri eqa’lenelab’ rech e ajchajil pa Wokajil Japache’ ri’”, xcha’ ri viceministra Administrativa.

K’isb’al uwach chomanik ri’

Aretaq xk’is le tzijob’enik rumal ri Viceministro rech Ya’olchajinik ri’, xuya’ ub’ixik che are rech kub’an utz che ri chak patan rech ya’olchajinik chi ke ri winaqil ri’ xuquje’ che ri kimeb’ilem ri’, are rajawaxik b’a’ kaya’ uchuq’ab’ ri pwaqilem che ri kaya’ chi ke ri’ rech kaq’ansax kichuq’ab’ katjoxik ri k’ak’ taq eqa’lenelab’ ri’, ri yakonik kab’an ri’, ri ub’anik nim utz che ri yakonik kab’an ri’, je ri’ le katz’iyaqb’al kaloq’ ri’, jeri’ le kichakub’al ri’ xuquje’ rech kasach pa taq le kib’ik pa taq le ya’olchajinik ri’.

Xuquje’ xub’ij che are rajawaxik xaq ta kilik kok’ow uq’ijol rech kakoj ri k’ak’ ub’anikil Taqanem pa Wokajil Japache’ ri’, ri are kajwaxik katak’ab’ax uk’exik ub’anikil uchak che ri tajin kub’an ri SP ri’, are rech b’a’ kesuk’umaxik ri e tz’apilik xuquje’ rech ketijoxik kepixb’axik rech kab’an utz che kichomab’al kino’jib’al ri wokajil winaq e ajpache’ ri’, rech ruk’ wa’ man kakib’an ta chik ri k’ax kamisanik ri’.

Pa k’isb’al rech xub’ij che rumal tajin xk’iy kuwach ri e ajpache’ ri’, are rajawaxik xya’ pa taqik rech kaloq’ik ri jastaq chakub’al rech kakoj chi kij ri’, eri sachb’al pwaqil pa le yakon ja pache’ tz’apib’al ri’, are rech kab’an utz ujamik uwach chi’ xuquje’ rech utz ub’anik ri chak patan kaya’taj chi’.

COMPARTIR