Pa Mingob’ kb’an wi ri Congreso Centroamericano rech Eta’mab’alil ruk’ No’jb’anem

136

“Chi’ k’ut kak’oji wi ri che uk’olib’al ri Congreso Centroamericano rech Ajtijoxel che Eta’mab’alil ruk’ No’jb’anem ri’  chi’ k’ut kek’oji wi qaraj e k’o 250 chi alab’om alitom rech jalajoj taq nimatijob’al pa we amaq’ ri’ xuquje’ pa rulewal ri’ rumal k’u ri’ kojki’kotik kaqilo e k’o kepe quk’, rumal ri no’jb’alil rech no’jb’anikil kumal ri k’ak’al winaq alab’om alitom ri’ pa le uya’ik jun loq’olaj chakub’alil rech kakojik pa ya’olchajinik winaqil ri’, xuquje’ rech pa uk’iyemal we Amaq’ Tinamit ri’” xcha’ ri viceministro rech Tecnología Walter Girón pa le riqb’al ib’ rech ujaqik uwach ri nuk’chomab’al kab’an chi’ kumal ri e ajno’jinelab’ e rech taq najtinamit pa uwachulew ri’.

Eri Pedro Luis García Chavarría,  K’amal b’e rech ri Congreso ri’ xuya’ ub’ixik che we jun riqb’al ib’ ri’ are rech ke’umol ri ajtijoxelal rech taq nimatijob’al rech Iximulew xuquje’ rech Centroamérica, are rech b’a’ kato’ik kach’ob’ik che xaq rech taj tijob’en ib’, xane’ xuquje’ rech keta’maxik b’anow taq tzukunik xuquje’ rech kach’ob’ik rech kanuk’ uwokajixik ri rajawaxik b’a pa le komonb’al k’utb’al rech ri no’jib’alil rech kakoj pa komon ri’.

“Rumal ri’ pa we junab’ ri’ kojtajin che uchakuxik ri wachtzijonem rech ri Big Data, eri Ciber ya’olchajinik, Cloud Computing ruk’ nik’aj chik wachtzijonem kachakuxik ri are rajawaxik keta’maxik kumal ri alab’om alitom rech kekowinik kakib’an k’ak’ taq chakub’al rech no’jb’anelil ri’”.

Kamajtaj k’ut ukojik jun k’ak’ b’anikil ri’

Ruk’ wa’ eri taqim uwach are ri’ rech ya’b’al tob’anik che ri q’atel uk’ulmatajem k’ax ri’ rumal ri’ eri viceministerio rech Tecnologías tajin kuchakuj ri jun kojb’al chakub’al ub’i’ pa kaxlan tzij “Acciona” eri are ri’ kajaq uwach pa le job’q’ij rech octubre pa we junab’ ri’ xuquje’ are rech jun ya’b’al b’anikil chi ke ri winaq tinamit rech kakik’am jun no’jib’al rech k’o kakiya’ loq ub’ixik ri’.

 “We jun App ri’ are sib’alaj kakojik rech kab’anik ri ub’eyal cholchak rech ri ya’olchajinik winaqil ri’ rech kata’ik xuquje’ rech ub’anik kakojik kumal ri’ winaqilal ri’. We k’o jun k’ax tane’maj pa usaqil  katajin rilik xuquje we e k’o k’iyalaj winaq kib’im loq kiya’m loq ub’ixik xuquje’ we k’o jun ki’App ri’, kakil ri’ le ya’lb’ixik chi rij rech kakijek’ kib’ rech kakita’ kib’ pa kituke’lal ri’”, xcha’.

Swiffy Output
COMPARTIR