Eri Mingob xuquje’ ri MP xkichap jun molaj b’anol k’ax kab’ix “Vatos Locos” chi ke

151

Pa ronojel e 20 chi b’anow tzukunem xb’antaj kumal e 200 eqa’lenelab’ rech ri Wokajil Ajchajil Tinamit (PNC) xuquje’ kumal ri Q’atol tzij e ilonel rech ri  Ministerio Público (MP) xb’antaj kowinem xechapatajik e lajuj b’anol k’ax toq’inel pwaq ri’, kab’ixik e uwinaq ri jun molaj b’anol k’ax kab’iX “Vatos Locos” chi ke, rech ri Pandilla rech ri Barrio 18, pa k’iyalaj taq wokja pa nimatinamit ri’.

Eri xechapik ri’ eri k’amal b’e chi ke are ri’ a Kevin Javier Osoy Concuá ri kab’ix “Liro Joker” che xuquje’ xtzukux kuwach k’a pa taq abril pa we junab’ ri’, rumal jun nim poq’sanik xkib’an pa jun ch’ich’ erelwinaq pa San José Pinula, chi’ k’u ri’ xch’ob’otajik che e are e k’o pa jun molaj  rech b’anow k’ax ri’ e are k’ut k’o k’i k’ax xkib’an pa taq le juyub’ tinamit rech Mixco, rech San José Pinula, rech Santa Catarina Pinula, rech Fraijanes xuquje’ pa taq le zona 14 xcha’ ri Ana Elena Guzmán, Nab’e Ajtz’ib’anel del MP.

Rumal ri’ eri Viceministro rech Ya’olchajinik, Ricardo Guzmán Loyo, xub’ij che pa le jun molaj b’anow k’ax ri’ xechapatajik chi ke e oxib’ k’amal b’e e alab’om na xuquje’ xchapik ri a  Juan Antonio Calderón Gómez, al  Rosa Angélica Recinos Vivar, al María José Ramírez Ordoñez, al  Jackeline Carolina Lemus Guzmán, a Romeo Alexander Chacón Meda xuquje’ a Jorge René Monroy Mus.

Maltyox b’a’ che ri b’anow tzukunem ya’olchajinik ri’ xb’antaj kowinem xechapatajik ruk’ wa’ xb’antaj kowinem xq’atataj b’anow waqxaqib’ b’anow kamisanik ri’ rumal ri’ xeto’taj kanoq e waqxaqib’ winaq ri’ we chanim ri’ keki’kotik e k’o kuk’ ri kachalalil xuquje’ ruk’ wa’ xq’atexik ri b’anow k’ax pa amaq’ tinamit ri’, xa’rumal pa molaj kamisanel kikojom che kib’ ri’, xcha’ ri Viceministro ri’.

 “Eri xechapataj we kamik kak’utu ri utz kichak patanil ketajin che ub’anik ri taqawokajil pa le b’anow q’atoj tzij ri’, ri b’anow komon chakunem kumal ri wokajil patanem ri’ le rajawaxik kak’oji ri’ xuquje’ we kamik ri’ kojtajin che uk’utik che katajin koqataxik ri b’anol taq k’ax ri’ kumal ri q’atb’altzij are wa’ ucholaj ub’eyal tajin kaqak’ut chi kuwach ri winaq tinamit pa Iximulew ri’ xuquje’ are uwach ri utzalaj chak b’anom, rumal ri’ tajin kakub’ kik’u’x ri winaqil chi ke ri wokaj ajtzukunelab’ rech q’atb’altzij ri’”, xcha’ ri Viceministro rech Ya’olchajinik ri’.

Sib’alaj utz ri tzukunem ya’olchajinik xb’antaj ri’

Eri Sub Comisario Canto Camajá rech Investigación Criminal rech ri PNC xub’ij che ri xechapatajik e uwinaqil pandilleros ri’, chi’ k’ut k’o 58 celulares xuquje’ keb’ ch’ich’ xraqataj ri’, e 70 tzukunelab’ rech ri PNC xekoj ri’, rech xeb’e che b’anow  20 chi tzukunik ri’ xuquje’ ruk’ ktob’anik e 150 eqa’lenelab’ ajchajil tinamit ri’ xuquje’ e k’o 20 chi radio patrullas, rumal k’u ri’ xb’antaj kowinem utz xel juntir uwach ri tzukunem ruk’ ya’olchajinik xb’antaj ri’.

Swiffy Output
COMPARTIR