Eri Ministerio rech Gobernación uterenb’em umajik ri chomanik pa Villa Nueva

242

Eri Ministerio rech Gobernación kuterenb’ej na umajik ri chomanik kuk’ ri q’atb’altzij rech ri Ajkalte’ib’ rech Villa Nueva xuquje’ kuk’ ri ajk’amal b’e rech taq ri Komonb’al Winaqilal ri’, are rech b’a’ kuq’alajisaj ub’ixik ronojel tajin kata chi rij ri ukojik ri jun K’ak’ Japache’ rech Suk’umalil Ixoqib’ e Ajpache’ chi’ pa tinamit ri’.

E pa le 12 rech enero aretaq kab’an le nab’e riqb’al ib’ chi’ rumal ri Ajkalte Edwin Escobar, kuk’ ri Q’atb’altzij rech ri Derechos Humanos –PDH- xuquje’ kuk’ ri q’atb’altzij rech Gobernación rech kachomaxik ri ub’eyal b’anow chak chi’, jeri’ xuya’ ub’ixik ri Viceministro rech Q’atel b’anow k’ax, Axel Romero.

Are wari’ le nab’e riqb’al ib’ kab’an ri’ rech pa komonchak kachomaxik uchupik uwach le nab’e komonchomanik chi’ ri xojwaxik xb’an pa le ik’ diciembre ri’, rumal k’o jujun taq ma utz ta ruk’ ri kajb’al ri’ chi’.

“Ruk’ le molin ib’ kab’an pa le kab’lajuj q’ij ri’ k’o ri’ le kujkowinik kaqachomaj uya’ik ub’ixik chi rij jujun taq rajawaxik pa le Q’atb’altzij ri’, eri Ministerio rech Gobernación utz kuril k’ut ri b’anow sik’ib’al ri’ xuquje’ ruk’ ri chomatal chik kab’an pa komon chi’, xuquje’ eri PDH kuk’am le uchak patan rech kub’an ajtzijonel tob’anel pa chomanik ri’, are rech b’a’ k’o ri kachomatajik pa aninaqil ri’”, xcha’ ri Viceministro Romero ri’.

Eri cholupam kachomaxik ri’, are rech kab’ixik jawchi’ kab’an ri xuquje’ le ub’eyal b’anow chomanik ri’, xuquje’ rech kach’ob’ik chinaq ketatab’enik pa le b’anow chomanik ri’, xuquje’ rech e are jun ri taqawokajil e b’anol rech ri jun yakonik ri’.

Chi rij le chomam chik pa le uyakik ri jun nimaja ri’, chi rij ri’ eri Viceministro Romero xuya’ ub’ixik che katajin na ruk’ ub’anik ri solwachinik chi rij uchuq’ab’ rulew chi’ ri kanimax uwach ri’ rech k’o jun ya’talil b’anow chak ri’, rech kanimax b’a’ ronojel taq uwach ri toq’im chi rij ri’, are rech b’a’ eri cholchak ri’ rech kunimaj b’a’ ruk’ ronojel ri kataq che rumal ri taqanik ri’ xuquje’ ruk’ unimaxik juntir q’atoj b’anow che rumal ri q’atb’altzij chi’ jeri’ ruk’ ri katan che pa tinamit ri’ rech b’a’ kab’antaj kowinem kak’is uchakuxik ri’.

Eri Wokajil Japache’ ri’ xuquje’ ri rech Kesuk’umanik chi’ pa Villa Nueva, are kayak rech kek’oji ixoqib’ e ajpache’ chupam ri’ kachi’l taq kal ri k’a te kajib’ kijunab’ ri’, xuquje’ rech kek’oji le ri’j winaq xuquje’ ri e yowab’ e nima’t chik.

Are wari’ le nab’e k’ak’ japache’ ri’kayak’ chi’ ri nimatal wi le ya’talil chi ke kiwinaqil ri ixoqib’ e ajpache’ ketz’apix chi’ xuquje’ rech kasuk’umax kino’jib’al kichomab’al chi’ rech man kemakun ta chik che b’anow taq k’ax ri’.

COMPARTIR