Rumal b’a’ are sib’alaj rajawaxik kak’oji b’a’ jun nim taqawokajnem ri’ rumal ri’ xtaqixik uwokik taq b’anow chomab’al rech ya’talil ri joremal ri’, ri jikomal pa tinamit, ri ya’olchajinik chi ke ri winaq tinamit e aj iximulew ri’ xuquje’ che umeb’ilal ri’, jeri’ ya’talil pa saq ri taqal che, rumal ri’ xoksaxik ri Ministerio rech Gobernación, pa le 26 rech abril rech 1839,  pa le utaqanik ri Doctor Mariano Rivera Paz, rumal ri’ pa we junab’ ri’ kutz’aqatisaj le 178 junab’ yokom ri’ pa le yab’al kanimaxik ri winaqil tinamit pa we amaq’ ri’.

Eri ub’i’ qas nab’e che ri xkoj che ri Ministerio rech Gobernación, Guerra, Justicia xuquje’ Negocios Eclesiásticos, are ri’ pa k’i taq mul xk’ex ri’, rech te k’u ri’ chik are che ub’i’ Ministerio rech Gobernación, are ub’i’ kojom che we kamik ri’.

We kamik ri’ karaqataj ri’ pa le ojer nim rachoch ri Wokajil Ajchajil Tinamit ri’, pa le 6ª y 7ª avenida chuxo’l ri 13 xuquje’ 14 calle rech ri zona 1, chila’ k’ut che xk’oji wi ri kamenta kech ri Hermanos Franciscanos chuwach na ri nim kab’raqan rech 1917 xuquje’ 1918, ri k’o nim k’ax xub’an che ri nim wokom ja ri’.

We jun wokom nimaja ri’ are xuyak kanoq ri General Jorge Ubico, ri nim uje’lil xub’an che xuquje’ nim upam xub’an che, are xresaj uno’jib’al chi rij taq retz’b’exik rech taq ri siblos X xuquje’ XV.

Pa taq le uchak patan ri’ eri Ministerio rech Gobernación tajin kuwok uwach cholchak rech ub’anikil sak’ajil ya’olchajinik pa tinamit ri’, tajin kumol tzijol xuquje’ tajin kub’an uch’ob’ik chi rij ri nuk’wokaj kamisanem xuquje’ ri b’anow taq k’ax, che ri tajin kesakon che ri taqanik ri’, xuquje’ rech ilon ri chak patanem pa japache’ ri’ pa we amaq’, rech kachakuxik ri ub’anikil tzijol ri’, ri ya’olchajinik ri’ xuquje’ uya’ik pa taq wujil kib’ik xuquje’ kipetik ri winaq ri’.

Eri taqawokajnem ri’ e k’o job’ viceministerios chupam ri’, e are ri’ rech ya’olchajinik, ri rech ilonb’al chak, ri rech q’atel k’ax, ri rech no’jb’anem xuquje’ antinarcóticos. We kamik ri’ eri Ministro rech Gobernación are ri Francisco Rivas Lara, ri k’o pa reqale’nib’al ri’ k’a pa le 2016.

E are wa’ le e ok’owinaq che taqawokajnel ri’:

Le tat Francisco Alburez xk’ioji pa le 30 rech junio rech 1871 pa le 19 rech julio pa le junab’ la’;

Le tat Marco Soto xk’oji pa 19 rech julio rech 1971 pa le 30 rech noviembre rech 1872;

Le tat José Barberena xk’oji pa le 30 rech noviembre rech 1872 pa le 2 rech enero rech 1876;

Le tat José María Barrundia xk’oji pa le 2 rech enero rech 1876 pa le 28 rech junio rech 1978.

Pa le 28 rech junio rech 1878 pa le 30 rech agosto rech 1878 xok pa reqale’n ri’ le tat José Barberena.

COMPARTIR