Eri Ministerio rech Gobernación kukub’isaj ya’olchajinik chi ke ri winaqil aretaq keb’el loq ri e Ajchajil Amaq’ pa Tinamit

289

Aretaq 20 chik ok’owinaq juch’um ri Nuk’chomab’al rech Joremal, aretaq kamajtaj katzilaxik b’ik ri e Ajchajil Amaq’ pa Tinamit ri’.

Eri Viceministro rech Q’atel k’ax, Axel Romero, kub’ij we jun cholchak chomanik ri’ are tzijom chik ruk’ ri Ministerio rech ri Defensa pa taq k’i junab’ chik xuquje’ chi rij wari’ xkijunumisaj uwach uch’ob’ik uchomaxik ri’.

“Xumaltyoxj che ri Wokajil Ajchajil Amaq’ rech Iximulew ri’ rumal ri nim tob’anik uya’om ri’, ri are wari’ xk’oji pa uq’ijol ri’ rech ketzalij chi b’ik pa kik’olib’alil rumal xtz’aqat ri 20 junab’ chik juch’um ri Nuk’chomab’al rech Joremal ri’”, xcha’ ri Romero.

Are rech kanimaxik uwach ri’ eri Wokajil Ajchajil Tinamit xumaj k’ut k’a pa job’ junab’ chik ri’ xunimarsaj kuwach ri wokajil ajchajil tinamit ri’, rumal ri’ we kamik e k’o chik 7, 000 mil chi eqa’lenelab’ ri’, ri xb’antaj kowinem xek’iyar pa 37, 000 pa kajilab’al ri eqa’lenelab’ rech ri PNC ri’, xuquje’ are wa’ rech xterenb’exik rech xkinimarsaj xkitijoj kib’ che Ajb’anol taqanel ri’.

Chi rij wari’ ilom ri’ che ri winaqil chi’ sib’alaj kab’ison kanima’ rumal kesax b’ik chik ri eqa’lenelab’ ajchajil amaq’ pa tinamit ri’, rumal ri’ eri taqawokajnel xuya’ ub’ixik che ri Ministerio rech Gobernación kukoj uchuq’ab’ ri’ pa le junab’ 2017 rech kuq’atij ri b’anow k’ax pa tinamit ri’ xuquje’ rech kuya’o jun nimtob’anik pa jikomal saqilem pa taq le jun wokajil ajchajil tinamit ri’, che ri qastzij kachajin chi ke ri winaq tinamit ri’.

“Kach’ob’ k’ut che we jun kesaxik kab’an chi’ are rech b’a’ kuya’ pa saq ke’utoq’aj ri q’atb’altzij rech ajchajin tinamit chi’ rech qastzij b’a’ kechajin chi’ che uq’atexik ri b’anoj k’ax kamisanik chi’, k’a pa le q’ij aretaq kakimaj ri ya’olchajinik chi’ pa tinamit”, xcha’ ri Romero.

Ruk’ wa’ jun b’anow q’axanik ri’ te k’u ri’ kakik’am k’ut unimaxik ri taqom chi ke ri’ pa le Ministerio rech Gobernación rumal re qas ri ajtaqel rech ri ya’olchajinik pa tinamit ri’, xuquje’ are wa’ kamik ri tajin kurilo jas uchomaxik ri rajawaxik chi ke ri winaq tinamit chi’.

 

COMPARTIR