Eri Ministerio rech Gobernación xkojotaj ri cholchak rech ya’olchajinik rumal ri nimaq’ij rech k’isb’al junab’ ri’

411

Eri Ministro rech Gobernación, Francisco Rivas Lara, xuya’ ub’ixik che xa’rumal le nimaq’ij rech pa k’isb’al junab’ ri’ xkojotaj le cholchak rech ya’olchajinik ri’, rech pa le kita’ik ri winaq tinamit ri’.

Eri cholchak ya’olchajinik ri’ are xmajtajik pa le nab’e q’ij rech diciembre ri’ pa oxib’ uwach ri’, eri nab’e ri’ eri ub’anikil xkojik are k’o uk’olib’al ya’olchajinik pa nimatinamit ri’ xuquje’ je ri’ pa taq tinamit rech b’anow chajinik chi rij ri awan k’ayin jastaq ri’ xuquje’ chi rij taq uk’ayixik k’isische’ ri’, eri ukab’ uwach chik are xekojik e ajchajinelab’ pa taq k’olib’al pwaqilb’al ri’ xuquje’ pa taq nima k’ayib’al xuquje’ eri oxib’ uwach chik are kab’an ri’ pa le uwaqlajuj (16) q’ij rech diciembre ruk’ kitaqik pa konojel ri Wokajil Ajchajil Tinamit ri’ (PNC), rech yab’al kub’sib’al k’u’x pa juntir le nimaq’ij rech pa k’isb’al junab’ ri’.

K’o tojb’alil xkoj chi ke ri Tijob’al rech b’inisab’al ch’ich’ ri’ rumal jujun taq b’anow k’ax ri’

Eri uq’atexik uwach uchak ri Centro rech evaluación k’o pa zona 18 xuquje’ pa k’i taq Tijob’al rech Keb’inisax ch’ich’ ri’, chi rij ri’ eri Ministro Rivas xuya’ ub’ixik eri xq’atexik kuwach ri’ are xa’rumal jun nima b’anow tzukunem chi rij uchak patan ri’ rumal ri Departamento rech Tránsito rech ri PNC ri’.

Aretaq xq’alajinik che k’o wujilal rech ya’talil b’inisab’al ch’ich’ ri’ kuya’o ruk’ nik’aj chik xq’alajinik ri man utz taj, xya’ ub’ixik k’ut pa le Ministerio Público, rumal ri’ xopan ri q’atb’altzij chi rij ri’ xuquje’ xq’atexik juntir uchak upatan ri jun Tijob’al rech automovilismo ri’.

Eri patanel ri’, xub’ij che ri tzukunik chi rij ri’ terenb’em na xuquje’ wexa’ kilotajik che ri ajmak chi rij ri’ are tane’ jun ajpatanel tane’ xuquje’ jun ajchak tane’ rech Tránsito, kaq’at rij pa q’atb’altzij ri’ rech kesach che uchak patan ri’, xa’rumal b’a’ chi’ pa ch’ajch’ojil pa saqilem kab’an ri chak chi’.

K’o k’i na ri awan kunb’alil raqom chik pa we junab’ ri’

K’o jun nim q’atenik xb’antaj chi ke ri ajk’ayin awan kunb’alil ri’ jeri’ xk’ulmataj pa le k’isb’al wuqq’ij kanoq ri’ aretaq xb’antaj kowinem xraqatajik 1,637 upajb’alil cocaína ri’ pa le nima plow atlántico.

Eri Ministro Rivas xub’ij ri’ che we jun nim molaj awan kunb’alil xraqatajik ri’ are uwachinik jun nim b’anow tzukunik xb’an pa kiwokajil kajib’ amaq’ nimatinamit ri’, kojpa’ Estados Unidos, Colombia, Honduras xuquje’ Iximulew ri’.

Pa le tzukunem xb’antaj ri’ k’o nim tzijolil xraqik chi rij keb’ jukub’ aninaq kerumumik pa uwi’ plow ri’, are kik’am b’ik k’iyalaj awan kunb’alil, rumal k’u ri’ xb’an uwokik jun utzalaj cholchak chi rij rech xeraqik xechapik ri’, pa komonb’al rumal ri Subdirección General rech Análisis rech Información Antinarcótica (SGAIA) rech ri Wokajil Ajchajil Tinamit ri’ xuquje’ rumal ri Fuerza Especial Naval, rumal ri’ xb’antaj kowinem xeraqataj nik’aj jukub’ pa uwi’ plow ri’.

Are wari’ ri nim awan kunb’alil xraqataj pa we amaq’ nimatinamit ri’ pa jun nim ya’olchajinem tzukunik ri’, rumal ri’ xraqatajik ri 1, 637 upajb’alil cocaína, eri rajil junam ruk’ ri Q.1 mil 276 millones 793 mil 508.00 chi pwaqil pa Iximulew ri’.

K’o nik’aj chik k’olib’alil katajin uya’ik pa saq ri’

Are rech b’a’ kakub’isaxik uwach kik’aslemalil ri winaqilal ri’, eri Ministro Rivas xub’ij che rajawaxik b’a’ k’o ri chakub’alil kakojik pa le ya’olchajinik pa we amaq’ ri’ pa taq le juyub’al k’olib’em ri qas kak’ulmataj wi b’anow k’ax ri’.

 “K’o jun cholchak xwok uwach ri’ rech kakojik pa taq juwinaq lajuj (30) juyub’alil k’olib’em ri’ pa amaq’ tinamit ri’ xuquje’ chi’ k’ut katajin wi kataqik kichakub’alil ri PNC ri’, are rech b’a’ utz uq’atexik ri b’anol k’ax kab’an ri’2, xcha’ ri Rivas.