Eri Ministerio rech Gobernación xkub’isaj ukojik ri choq’ab’il ya’olchajinik chi rij q’axib’al pa amaq’ ri’

404

Eri Ministro rech Gobernación Francisco Rivas Lara e rachi’l ri q’atb’altzij rech ri K’amow b’e rech Ya’olchajinik pa Tinamit rech ri Estados Unidos ri’, junam k’ut xkijuch’ uwach ri nuk’chomanik chi kuwach ri keb’ amaq’ nimatinamit ri’ pa le kow ya’olchajinik chi rij q’axib’al pa amaq’il ri’.

Eri utaqib’al we nuk’chomanik ri’ are rech uya’ik uchuq’ab’ ri ub’anikil q’axaltzij pa taq le keb’ amaq’ nimatinamit ri’ pa le q’atel b’anow k’ax pa taq le nimatinamit pa uwachulew xuquje’ pa le ya’olchajinik pa taq kiq’axib’alil ri winaqil chi’ pa Iximulew ruk’ ri Estados Unidos.
eri Ministro Rivas xuya’ ub’ixik che ri ruk’ we le nuk’chomab’al ri’ kakub’isaxik ukojik ri eqle’nemtzij rech uq’atexik ri b’anol taq k’ax ri’ pa le keb’ uwach nimatinamit ri’, rech keq’atexik ri molaj b’anol k’ax ri’, xuquje’ ri winaq e ajq’axel pa taq amaq’ ri’ kuk’ ri winaq e kojom pa k’ax ub’anikil chak ri’.

Are kanimax b’a’ we ruk’ jun eqa’lenemtzij ri’ are ri’ ruk’ uchak upatanil ri Fuerza de Tarea: Tecún Umán, Chortí, Xinca xuquje’ ri ruk’ ri k’ak’ wokajil ajchajinelab’ kab’ixik Trinacional ub’anikil ri’, ri rech kechajin pa taq k’ulb’a’t juyub’ pa taq amaq’il ri’.

Eri Subsecretario rech Ya’olchajinik pa Tinamit rech Fronteras, rech Inmigración xuquje’ rech Política, Seth Stodder, ri are xutzijoj che kuch’ob’o che ri komonchak rech uq’atexik ri maj pa usaqil keq’ax pa we amaq’ ri’ kuk’ kiq’atexik ri nuk’wokaj b’anol k’ax kamisanem ri’.

Eri uya’ik uchuq’ab’ ri ya’olchajinik ri’ ruk’ utob’anik ri Wokajil Jachakunb’al rech Kichomaxik ri Inmigración xuquje’ ri rech Ya’olchajinik pa taq Aduanas rech ri Estados Unidos (ICE) xuquje’ rech ri Sección rech ri Asuntos Antinarcóticos xuquje’ rech ri  Kojb’al ri Taqanik ri’, (INL) rech ri embajada rech Estados Unidos ri’ e are k’ut e ajq’atol rech ri kesipan rech ri molaj chakub’al rech ri equipo tecnológico ruk’ ri rech k’uttijonem chi ke rajchak ri Migración xuquje’ rajchak ri Wokajil Ajchajil Tinamit ri’.

Pa taq le chakunik chi rij k’o pa ub’eyal ri’ rech kakojik ri chakub’al ya’olchajinik biométricos rech uch’ob’ik kitzijol ri winaqil e aj iximulew e tzalim chi loq pa we amaq’ ri’ kuk’ ri winaqil ri maj pa usaqil kel b’ik pa we amaq’ ri’ xuquje’ ruk’ wa’ are k’o jun utzalaj ya’olchajinik kb’an pa komonb’alil ri’.

COMPARTIR