Eri Ministro xopan che usolixik ri ya’olchajinik pa le sexta avenida xuquje’ pa Mercado Central ri’

61

Aretaq xb’antaj jun nim solinik pa le sexta avenida rech xk’oji che rilik ri Cholchal rech Ya’olchajinik ri’, ri katajin ub’antajik ri’ rech uq’atexik ri b’anow k’ax pa le wokja, eri Ministro rech Gobernación xuquje’ ri viceministros rech Ya’ochajinik, Ricardo Guzmán xuquje’ ri Axel Romero rech Q’atel k’ax ri’, xe’opan pa jun solinik pa le Mercado Central ri’ rech kurilo, jas ub’antajik ri ya’olchajinik chi’.

Eri kopanik pa le Mercado Central, eri Viceminstro rech Q’atel k’ax xub’ij che kajib’ chik katajin ri komon chak chi’ ruk’ ri komonb’al rech ya’olchajinik pa le Nim K’ayib’al ri’ xuquje’ we kamik xrechb’ej xopan che kch’ab’exik ri’.

Eri Romero xutzijoj che ri katajin k’ut kikojik e 100 e ajchajinel tinamit chi’ keb’ kuwach kipirom wi kib’ che chajinik chi’, chi’ k’ut e k’o ri ajchajil tinamit rech ri comisaría 11 rech ri PNC, rech q’atel k’ax chi’, je ri’ ketajin chi’ ri rech ajtzukunel chi rij b’anow k’ax kamisanik ri’, ri SGAIA, DISETUR xuquje’ ri Polimerc  ketajin che ya’olchajinik pa taq uxla’nib’al xuquje’ pa uxo’l taq ja panoq pa tinamit ri’, rech kakiterenb’ej uq’atexik b’anow k’ax kamisanik ri’ xuquje’ rech keta’ ri winaq tinamit ri’.

 “Eri uj xaqatzijoj che ri Ministro rech Gobernación che ri Mercado Central ri’ qas no’jinaq rij che b’anol taq k’ax chi’, we kamik ri’ xqaj panik’aj uwach b’anow k’ax chi’, rumal ri’ kujraqataj ruk’ ri komon ya’olchajinik chi’ rech ri panik’aj b’anow k’ax chi’ juntir kasach uwach ri’. Sib’alaj kaqamaltyoxij chi ke konojel ri xetob’an quk’ xuquje’ eri uj xujtob’anik ri kujraqataj pa komon ya’olchajinik ri’ pa le Mercado Central ri’” xcha’ ri Elsa Piché, vicepresidente rech ri Comisión rech Ya’olchajinik pa Mercado Central ri’.

Xmajtaj ktzukuxik ri e ajpache’ e sachinaq ri’

Chi rij ri kajib’ e ajpache’ ri man xeraq ta pa japache’ rech Fraijanes, eri Rivas Lara xub’ij che xmajtaj ktzukuxik ri’ kojpa’ b’a’ ri ximonik k’o chi kij pa le Ministerio Público, rumal man keraqataj ta chi’, tajin k’ut uta’ik pa q’atb’altzij rech ketzukuxik keraq ri’, eri taqanik ri’ are rech b’a’ kechapik ri nik’aj e ajpache’ ri’ sachinaq kuwach ri’ xuquje’ rumal ri’ xtaq ub’ixik che jun molaj tzukunelab’ rech ketzukuxik kumal ri ajtzukunelab’ rech ajchajil tinamit ri’, xuquje’ rech kach’ob’ik jawchi’ keraqataj wiri’.

 “Eri tzukunem kab’an chi kij ri’ are kil uwach ri jun k’ak’ chak ilonem rech ya’olchajinik kojom pa Fraijanes kojpa’ pa Matamoros xuquje’ pa Mariscal Zavala, rumal ri’ xek’exik juntir kuwach ri ajchajinel chi’, e k’ak’ chik xetaqik rech kechajin pa taq le japache’ ri’ xuquje’ katajin k’ut rilik uchomaxik nik’aj chik uwach ub’anikil ya’olchajinik ri’, rech man kak’ulmataj ta chik ri xk’ulmataj ri’, rumal ri’ k’o ximontzij xb’antaj chi rij wari’ rech kilik chinaq e ajmak chi rij ri xk’ulmataj chi’ rumal man xeraqataj ta chik pa le japache’ ri’” xcha’ ri Ministro.

Swiffy Output
COMPARTIR