Eri Ministerio rech Gobernación kuloq’oj ri chak b’anom pa le tzukunem chi rij taq b’anow k’ax kamisanik

95

Eri Ministro rech Gobernación Francisco Rivas Lara xtatb’en pa le xjach wi ri ub’ixikil ri chak patan b’anom chik pa we junab’ ri’, xa’b’a’ maltyox che ri b’anow tzukunem rumal ri Subdirección General rech Investigación Criminal –SGIC- rech ri Wokajil Ajchajil Tinamit -PNC-.

Eri uwachinik chakunem rech b’anow tzukunik pa le junab’ 2016, k’o 2,932 chi tzukunik b’anom chik, rumal k’u ri’ e chapom chik e 3,642 chi winaqil ri’ xuquje’ e q’atim chik 69 chi molaj b’anol k’ax ri’.

Eri Ministro Rivas xumaltyoxij ri chak b’anom chik xuquje’ ri kitzij kiya’ol chi rij ri’ kumal ri ajtzukunelab’ ri’ rumal xkikoj kichuq’ab’ xkikoj pa le uwokik uwach ri jun utzalaj komon winaqil xuquje’ pa le k’exnik kakib’an pa taq kik’aslemalil ri ja winaqil e aj iximulew ri’.

 “Eri uj uj PNC, eri tzukunem are ri’ ri jun qataqim uwach ri’ pa uwokajil ri taqawokaj pa amaq’, are qas utak’ab’al ri kub’sib’al ya’olchajinik ri’ xuquje’ are kuya’ pa saqil rech kab’antaj ri chakunik pa we amaq’ ri’ are ri’ ri qas qachomam pa le taqawokaj ri’”, xcha’ ri Rivas.

Pa le ilb’anik ri’ eri K’amal b’e rech ri Wokajil Ajchajil Tinamit, Nery Ramos Ramos ruk’ ri Ukab’ K’amal b’e rech Investigación Criminal, Stu Velasco, k’o k’ut jun nim ya’b’al wujil xkijach k’ut chi ke ri wokajil ajtzukunelab’ rech ri B’anow Tzukunem ri’, rumal qas xkiya’ kik’u’x kanima’ che ri b’anow chakunem ri’.

Eri k’amal b’e rech ri PNC, xub’ij che ri are kuloq’oj ri tijob’al chuq’ab’ chak kakib’an ri tzukunelab’ ronojel taq q’ij ri’ chi rij kichapik ri b’anol taq k’ax kamisanik ri’ emu wa’ ri’ eri jun loq’ob’alil ri’ are kuya’ ki’kotemal utzilem rumal unimaxik ri jun b’anow loq’ chak ri’, pa le kib’anikil ri winaq e aj iximulew ri ketajin che kikojik kichuq’ab’ pa le uwokik ri joremal ri’ xuquje’ rech pa le tob’anik rech uya’ik uchuq’ab’ ri ya’olchajinik pa we amaq’ ri’.

 “Sib’alaj utzil ki’kotemal chuwe kinjach k’ut we jun wujil rech loq’ob’al chak patan ri’ ri qastzij ri’ tz’aqat chi ke ri loq’ ajchakunelab’ ri’, xa’rumal k’ut xaq xu’ wiri’ ri kechakun pa b’anow tzukunem ri’ keta’m k’ut ri tijob’al chuq’ab’ kakoj pa le chak patan ri’”, xcha’.

Rumal k’u ri’ eri Investigación Stu Velasco, xumaltyoxij ri k’amow uq’ab’il chak patan ri’ kumal jujun taq tzukunelab’ ri’ xuquje’ xe’upixb’ej rech pa saqilem k’ut kechakunik rumal are ri’ uk’u’x utak’ab’alil ri chak patan pa le wokajil ajchajil tinamit ri’.

Swiffy Output
COMPARTIR