Eri Ministerio rech Gobernación  kuloq’oj uchak ri K’amal b’e rech ri DEA pa we amaq’ ri’

112

Pa jun loq’ kojemtzij pa le uchakpatan ri’, eri Ministro rech Gobernación Francisco Rivas Lara, xujach ri’ le “Orden Cruz rech Saqapwaq” che ri Eqa’lenel Miles Aley rech ri Administración rech Control rech Drogas DEA rech ri Embajada rech Los Estados Unidos, rumal le nimtob’anik xuya’ che we Amaq’il rech Iximulew ri’ pa le q’atenik awan taq kunb’alil ri’.

Eri Rivs xumaltyoxij che ri k’amal b’e rech ri DEA rumal ri tijchuq’ab’ xub’an ri’ xuquje’ rumal utz ajchak xutaq loq pa tinamit ri’ pa unimaxik uwach ri q’atenik awan taq kunb’alil pa Iximulew ri’. Rumal ri’ eri taqawokajnel ri’ xkub’isaj ub’ixik che kuya’ jun nim tob’anik che ri eqa’lenel kel kanoq pa uk’exel ri’.

Rumal ri’ eri viceministro antinarcóticos Oscar Dávila Mejicanos, xuquje’ xumaltyoxij che ri Aley le nimalaj tob’anik xuya’ che ri Amaq’il Tinamit Iximulew ri’ pa le uq’atexik ri Awan taq Kunb’alil ri’.

Eri K’amal b’e rech ri Wokajil Ajchajil Tinamit (PNC) Nery Ramos, xusik’is ri nuk’chomanik rech ri PNC 7-2017, chi’ k’u ri’ xya’ wi’ ub’ixik ri jun nim ya’b’al etalil ri’ che ri ya’tal chi ke ri eqa’lenelab’ rech ri loq’ wokajil ri’ xuquje’ chi ke ri winaq che ri nimalaj ketob’an ruk’ ri wokajil ajchajil tinamit ri’.

Eri Ramos xuya’ ub’ixik che ri k’amow b’e rumal ri Aley ri’ are wa’ k’o nimalaj tob’anik xuya’ chi ke e k’iyalaj taq wokajil che we kamik e are jun tajin ke’ok pa le wokajil q’atenik chi ke ri e ajk’ayiin awan taq kunb’alil ri’, xa’rumal are wa’ jun nimak’ax kukb’an chi ke konojel ri winaqilal pa le juntir uwachulew ri’, xcha’.

Sib’alaj ki’kotem che rumal ri jun loq’ na’tib’al xya’taj ri’, eri k’amal b’e rech ri DEA xkub’isaj ub’ixik che ri uchak patan ri’ are katerenb’ex ub’anik pa jun chik amaq’ tinamit ri’, xub’iij ri’ che xmajtaj uya’ik jun retal nimtijob’enik rech reta’mab’alil rech uchak patan kub’an jun ajchajinel pa uxo’l b’e pa tinamit ri’ xuquje’ aretaq xkowinik xok pa le DEA ronojel ranima’ xub’an jun utz che ri uchak patan ri’. Xuya’ ub’ixik che ri chak patan ri’ are xkowinik xub’an chi’ pa Iximulew ri’, xuquje’ sib’alaj xuya’ ub’ixik chik che are wa’ jun loq’chak xb’antaj kowinem ruk’ jun molaj chakunem ri’ xuquje’ are wa’ kab’an che jun amaq’ tinamit rech kub’an na utz uwach xuquje’ rech kanaj uwach che utz b’anow suk’umalil ri’.

Pa le nim kojb’altzij ri’ xuya’ ub’ixik che loq’ le retal uchak upatan xuya’ kanoq ri Aley ri’, xa’rumal eri chak xub’an ri’ sib’alaj utz ub’anik pa komonb’alil ri’. Pa le junab’ 2016 kanoq xb’antaj kowinem xraq ri’ 12,818 chi pajb’al rech cocaína xuquje’ pa ronojel chi pwaqil xesax pa uq’ab’ tane’ ri e ajk’ayin awan taq kunb’alil ri’ are Q3,297.1 millones chi pwaqilem ri’.

COMPARTIR