Eri Ministerio rech Gobernación tajin kuwok pa taq wokaj ri b’anow kichomaxik ri ak’alab’ xuquje’ ri alab’om alitom ri’

108

Eri Diputados rech ri Wokaj Ajchomanelab’ kech Ak’alab’ xuquje’ Kachalalil rech ri Wokajil B’anol Taqanib’al pa Amaq’il xkisik’ij k’ut ri Viceministro rech Q’atel k’ax, Axel Romero are k’amal b’e k’ut rech ri Comisión Nacional kech taq Ak’alab’ xuquje’ Alab’om Alitom (CNNA) rech ri Consejo Nacional rech K’iyemal pa taq Tinamit xuquje’ pa taq Juyub’ ri’ (CONADUR), rech xkiya’o utzijoxik chi rij ri xpatanixik pa le waqxaqib’ q’ij rech marzo kanoq pa le Hogar Seguro Virgen de la Asunción ri’.

Eri Diputado Walter Feliz, K’amal b’e rech ri Comisión ri’ xub’ij eri taqim kachomaxik pa le sik’ib’al ib’ ri’ are rech kakita utzijol chi rij qas xk’ulmataj pa le Hogar Seguro, kumal taq ri taqawokaj pa amaq’ che ri xek’oji chi’ pa le q’ij xk’ulmataj ri nima k’ax ri’ xuquje’ rech kakub’isax uwach kik’aslemal ri ak’alab’ chi’.

Eri Viceministro Romero xuya’ ub’ixik che ri CNNA are ri uwokib’al ri chomab’al pa tinamit rech che ri CONADUR,emu wa’ ri’ xkita le Comisión che ri tzijol kita chi ke ri wokajilal che ri kiwokom uwach ri’ xuquje’ xjach chi’ ri ya’b’al patan chi ke ri ak’alab’ kumal ri Wokajil Ajchajil Tinamit xuquje’ ri Ministerio rech Salud Pública ri’.

Eri pataneel ri’ xub’ij che man xaq ta ri’ k’o kupatanij wa’ xane’ are wa’ k’o kupatanij na ri’, jacha’ taq ri patanem kab’an na rumal ri Wokajil Japache’ ri’ rech pa le uk’exik ub’anikil ri kita’ik ri ak’alab’ kab’an chi’.

We kamik ri’ eri utam ri Comisión rech Gobernación ri’ are rech kachomaxik kawokik jun Nima Molaj Chak Chomanik ri’ pa Komon Taqawokajil ri’ rech kachomaxik ri raqow k’ax ri’, rumal ri’ xtaq kasik’ixik ri’ xuquje’ k’oj chik kib’i’ taq ri k’amal b’e rech; ri Wokajil Ajchajil Tinamit, rech ri Procuraduría General rech pa we Amaq’il ri’, rech ri Organismo Judicial, rech Procuraduría rech ri Derechos Humanos xuquje’ rech ri Instituto Nacional rech Ciencias Forenses, xaq xu’ wiri’ chik karaj na ri rech le Secretaría de Bienestar Social ri’.

“Eri kojtajin che uchomaxik ri’ are rech aj jun ri’ pa taq b’anow chomanik rumal le Comisiones rech Gobernación pa Taqanib’al ri’ xuquje’ pa le rech Ak’alab’ xuquje’ pa le rech taq Achalalil ri’, rech k’o pa komon chak ri chomanik ri’, eri kojtajin che uchomaxik ri’ are rech man kub’an ta keb’ uwach le b’anow chomanik ri’ xuquje’ pa taq le molaj chomanik ri’ xuquje’ rech kab’an utzalaj kachomaxik ri ak’alab’  kuk’ ri alab’om alitom ri’”, xcha’ ri Romero.

COMPARTIR