Eri Ministerio rech Gobernación katajin che uchomaxik rech kuto kik’aslemalil ri ajtzijolinelab’

129

Eri viceministro rech Seguridad, Elmer Sosa, xmolin kuk’ ri q’atb’altzij rech ri Ya’talil Winaqil rech man k’ot b’anoj k’ax kab’an chi ke ri wokajil rech ajtzijolinem kojpa’ ri xk’ulmataj kanoq pa we junab’ ri’.

Pa le molin ib’ eri Sosa, xuya’ utzijol che ri ministra Eunice Mendizábal ri tajin kuchomaj rech katzukuxik rech kaq’alajisaxik ri b’anoj k’ax tajin kab’an chi ke ri ajtzijolinel ri’ ri xya’taj loq ub’ixik chi’.

Pa le ya’olchajinik ri’ katajin rumal ri Ministerio rech Gobernación sib’alaj xya’ ub’ixik che are katajin ri jun nim chomanik rech kaq’atexik ri b’anoj k’ax chi ke ri ajtob’anel rech ya’talil winaqil ri’, chi’ k’ut katajin uchomaxik ri’ rech kato’ uwach kik’aslemalil ri’.

Eri taqanel rech ub’eyal ch’ob’otal chak rech ri Wokajil Ajchajil Tinamit ri’, Comisario Rolando Yax, xub’an ri’ jun k’utb’al chi rij taq ri tzijolil ruk’ ri ya’ow ub’ixik loq pa le PNC ri b’anoj k’ax katajin uk’ulmatajik ri’ chi kij ri ajtzijolinelab’ xuquje’ rech katerenb’exik uq’atexik ri’, chi’ k’u ri’ xya’ loq ub’ixik chi rij kichapik ri nik’aj molaj b’anoj k’ax kib’i’ kab’ixik Los Pelones, e are kab’ixik kakib’an ri kamisanik chi ke ri keb’ ajtzijolinel ri’ pa Mazatenango Suchitepéquez pa we junab’ kanoq ri’.

 “Utz b’a’ ub’anikil ri chomanik ruk’ ri PDH, are k’ut rajawaxik rech keya’ pa saqil ri winaqil chi rij ri utz kuchakuj kupatanij ri PNC chi rij ri tzukunik kub’an chi rij ri nik’aj b’anoj k’ax ri’”, xcha’ ri sosa, xuquje’ xuya’ ub’ixik che xa’rumal ri’ rajawaxik kek’uttijoxik ri eqa’lenelab’ ri’ rech kaketa’maj che ri ya’talil ri’ are k’o pa taqanawujil ri’ rech ya’talik eri ajtzijolinel kub’an ri uchak patan ri’, are ri’ tz’ajom chik pa le retal tijob’enik rech ri PNC ri, chi rij retal ri kichak kipatan ri’.

 “Rech kaq’atexik b’a’ ri ch’ojinik chi kuwach ri ajchajil tinamit kuk’ ri ajtzijolinel ri’ are rajawaxik ri’ kab’an jun k’amoj ib’ pa jun nim ilb’anik ri’ rech kach’ob’ik ri ub’anikil taq kichak kipatan chi jujunal ri’ rech kakinimaj b’a’ uwach chi kuwach ri’ rech man k’ot chik ch’ojinik kakib’an chi kuwach ri’”, xcha’ ri Sosa.

Rumal k’u ri’ eri Ana Julia Solís, k’amal b’e rech ri PDH, xuta che ri q’atb’altzij kutaq ub’ixik chi ke ri eqa’lenel chajin tinamit rech b’a’ kakinimaj b’a’ uchak upatan kub’an ri ajtzijolinel ri’ xuquje’ rech pa jikomal kakitzijoj kib’ chi kuwach kuk’ ri eqa’lenel chajin tinamit.

Rumal ri’ eri PNC, e are jun xek’oji pa le Nim Raqow ib’ xuquje’ ri xya’taj wi ub’ixik che b’anoj k’ax katajin ri’ are xya’ ub’ixik rumal ri Marvin Noriega xuquje’ rumal ri K’amal b’e rech ri Comunicación Social Ana Julia Solís.

Nota: wendy Álvarez
Foto: Alberto Galiano

Swiffy Output
COMPARTIR