Eri Ministerio rech Gobernación ruk’ ri Microsoft k’o jun komonchak xchomataj chi kuwach ri’

240

Pa le ropanb’alil Uq’ijol Uanimaq’ij pa Uwachulew rech ri Internet Seguro ri’, eri Viceministro rech Tecnología rech ri Q’axaltzijol xuquje’ rech Q’axaltzijob’enik ri’, Walter Girón ruk’ ri Gerente rech Microsoft Guatemala, Roberto Marroquín, xetatb’en pa le ujuch’ik ri jun Nuk’chomanik rech Tob’anem rech uq’atexik ri ya’b’al kak’exib’al taq ak’alab’ ri’ xuquje’ ri cibercrimen ri’.

We jun chak patan komonb’al ri’ pa le ub’anikil ri’ kaya’taj wi rokik che ri Ministerio rech Gobernación xuquje’ che ri Unidad rech Delitos Informáticos rech ri Wokajil Ajchajil Tinamit ri’, che ri Centro rech Investigación rech Microsoft, rech kaya’taj pa usaqil rech kak’oji ri chakub’al rech no’jb’anem ri rajawaxik rech uq’atenik ri cibercrimen.

Eri Viceministro Girón xub’ij che pa we q’ijol ri’ chi’ k’u ri’ k’o k’i uwach b’anow k’ax itzelal chi ke taq ak’alab’ ri’ k’olik, ri tajin k’o kak’ex wi kuwach kitzol ri’, chi’ k’u ri’ k’o eleq’anik kab’an pa taq le uwachwuj pa kemamtzij ri’ xuquje’ruk’ b’anow k’ax chi ke ri are sib’alaj katajin raq’anik pa urajilab’alil ri’ che ri rajawaxik kachomaxik rech kaq’atexik uwach nik’aj b’anow k’ax ri’.

“Eri uj uj q’atb’altzij are qachak qapatan ri’ kaqaq’atij k’ax, kaqatzukuj rij ri k’ax b’anom xuquje’ keqachap k’ut chinaq e ajb’anol k’ax pa cibercrímenes, emu wari’ man xaqt jun kaq’aten rech wa’, rumal ri’ rajawaxik kab’an jun komonchak kumal ri komon wokajilal ri rech amaq’ kuk’ ri k’o ajchoq’e ri’ xuquje’ kuk’ taq ri tinamit naj”, xcha’ ri Girón.

Xuquje’ man xaq ta xub’ij ri’ che are wa’ jun nim q’ijol chech ri’ rumal xujuch’ uwach ri nuk’chomanik rech k’amow uwach tob’anik ri’ xuquje’ xub’ij che pa ub’i’ ri taqawokajnem ri’ sib’alaj kumaltyoxij xjaq uwach uchak upatan ri’ xuquje’ eri kupatanij chi ke ri jachakunb’al wokajil ri’ are k’o ropanb’alil pa juntir uwach ri no’jb’anem pa uwachulew ri’.

Eri Roberto Marroquín, Gerente rech Microsoft, xub’ij che ri xa’rumal are wa’ jun ub’anikil wokajil pa uwachulew pa le no’jtob’anem ri’, k’o ri’ jun nim kichak patan rech kakikub’isaj uwach ri internet ri’ xuquje’ rech kakiya’o chi ke konojel winaq ri’ le ub’anikil ya’talil rech ke’ok che ilonem chupam ri’ pa jorob’anem joremal ri’.

“Eri uj kaqachomaj eri komonchak chi kuwach ri MICROSOFT ruk’ ri MINGOB, are rajawaxik rech b’a’ nim q’atenik chi ke ri cibercrimen ri’”, xcha’ ri Marroquín.

Ruk’ kajuch’ uwach ri jun nuk’chomanik eri MICROSOFT, kumaj ukojik pa le uwachwuj rech ri Unidad rech ri Crimen Digital, chi’ k’u ri’ eri tzukunelab’ ya’talil ri’ chi ke ri chakub’al rech kakib’an ub’anikil ch’ob’ow chi rij taq kich’akul winaq e kaminaq chik, chi rij ub’anikil taq tzukunem, rech kakib’ano ub’anikil chak xuquje’ rech chak naj ropanob’alil ri’, xuquje’ chi rij reta’maxik ri tzijol taq pa uwachulew ri’ xuquje’ chi rij ri taq ri upam taq ri tob’chakub’alil ri’, rech kaq’atexik ri b’anow k’ax itzelal chi ke ri ak’alab’ ruk’ ri cibercrimen ri’.

COMPARTIR