Eri Ministra rech Gobernación: Xuq’atij ub’e rech karesaj b’ik ri’ jun ajpache’ ub’i’ “Guayo” Cano

326

Eri Wokajil Ajchajil Tinamit (PNC) xkowinik xuraqo jun chomanik rech karaj karesaj b’ik rib’ jun narcotraficante Eduardo Villatoro Cano, ri kab’ix che Guayo Cano, pa le tz’apib’al japache’ k’o pa Matamoros. Eri ministra rech Gobernación k’o nim tzukunik xub’an pa le Japache’ ri’ rech man k’ot jun ajpache’ karesaj tane b’ik rib’ chi’.

Eri Subdirección General rech Investigación Criminal (SGIC) rumal k’o jun nim sak’ajil chajinem tzukunik xub’ano xkowinik xuraqo jun chomanik rech karesaj b’ik rib’ chi’ ri jun achi k’i kamisanik xub’an chi ke eqa’lenel rech ri Wokajil Ajchajil Tinamit ri’ pa Salcajá, Xe’laju’ ri’.

 “Sib’alaj maltyox che ri chajinem tzukunik xb’an pa japache’ ri’ ri tz’apital wi jun achi ri’ ri tajin che uchomaxik rech karesaj tane b’ik rib’ chi’ ri umak are k’o pa narcotráfico, rumal ri’ tz’apil pa japache’ ri’”, xcha’ le Ministra rech Gobernación, Eunice Mendizábal.

Xuquje’ eri nan taqawokajnel ri’ sib’ala xuya’ ub’ixik ucholajil eri jastaq xeraq chila’ tajin tzukunik chi rij “k’o jun wuj rech tzi’banik ruk’ nik’aj tzij tzib’atal chupam, ri kaq’alajinik k’o retalil che karaj karesaj b’ik rib’ chi’ pa japache’ k’o pa Matamoros ri’ xuquje’ ri kuk’utu ub’eyal ri karaj karesaj wi b’ik rib’ ri jun “Guayo Cano”, xcha’ ri Mendizábal.

Eri Ministra rech Gobernación, sib’alaj xuya’ utzijol che k’i tzukunik tajin chi rij ri’ xuquje’ are tajin ch’ob’oj chi rij ri k’ax tajin kuya’o ri’, xuquje’ tajin rilik jas le kaq’axax wi b’ik, rech man kakowin taj karesaj b’ik rib’ chi’. Xcha’.

Eri tzukunik ri’ xkowinik xq’ap ub’e rech karanij b’ik rib’ chi’ ri jun achi ri’ rumal ri’ eri ajchajienl rech ri Subdirección General rech Investigación Criminal, kuk’ ri Q’atb’altzij ruk’ ri Sistema Penitenciario (SP) xeb’anoj ri tzukunik ri’ chi’.

Nota: Carlos Hernández
Fotos:Roberto López

COMPARTIR