Eri Ministro xkub’isaj ub’ixik che kechap na ri nik’aj xekamisanik ri Ajkalte rech Samayac

287

Are wa’ uwach ri b’anow ub’anikil chomanik rech ya’olchajinik kub’sib’al k’u’x katajin rumal ri Ministerio rech Gobernación are chak patan katajin che ub’anik pa le b’anow utzil chi ke ri winaq tinamit ri’, eri Rivas Lara xuya’ ub’ixik che ri kichak patan ri ej ajkalte’ib’ ri’, k’o k’ax tajin kab’an chi ke ri’ kanoq, rumal ri’ xmajtaj k’i uwach taq tzukunik ri’ rech kilik chinaq winaq xtaqow ukamisaxik ri tat ajkate rech ri tinamit rech Samayac ri’,  pa le juyub’ tinamit rech Suchitepéquez rumal ri’ xtaq kichajixik ri ajkalte’ib’ chi la’ rumal qatom chik che choman kikamisaxik ri’.

“Eri B’anow tzukunik ri’ are xmajtaj k’a iwir chi rij ri’, k’o katajin che uraqik chi rij ri’ xuquje’ ri in kinb’ij che qas kaq’alajsixax chi rij ri’ xuquje’ rech te k’u ri’ kechap chinaq xeb’anow ri jun k’ax kamisanikr i’”, xcha’ ri Ministro.

Xuquje’ xuya’ ub’ixik ucholaj che k’o waqxaqib’ mul tatb’em rech ya’b’al chajinik ri’ waqib’ k’ut xya’ pa taqik ri’, k’o jun katajin na uchomaxik uwach ri jun chik maja’ na kachomatajik.

“K’o nim kupatanij kaya’ ub’ixik ri’ chi ke ri kitam ya’olchajinik ri’ xuquje’ xya’ ub’ixik chi ke wexa’ k’o b’anow k’ax kab’an chi ke kakilo kataq ya’olchajinik ri’ chi ke xuquje’ are wa’ taqom ub’ixik chi ke ri comisarios kuk’ ri taqanelab’ ri’ rech kakiya’o chi kuwach kuk’ ri ajkalte’ib’ kakitaq ya’olchajinik chi ke ri winaq keraqataj pa k’ax ri’”, xcha’ ri Rivas Lara.

Xuk’am ub’eyal ilonem ri’

Aretaq xk’oji pa tatb’enem ruk’ ri Nima K’amal b’e Amaq’ xuquje’ ruk’ ri ukab’ nima k’amal b’e Amaq’il ri, pa le k’utem rech ri ub’eyal ya’b’al ilonem ri’ rech kab’an che ri Iximulew jun amaq’ nimatinamit ri man k’ot chak ketaq wi ri ak’alab’ ri’ xuquje’ rech kesax ri itzelal uwach b’anikil ri’,  ruk’ jun b’anow cholchak k’a pa le junab’ 2016 kopan pa le 2020 ri’, eri taqawokajnel Ya’olchajinik pa Amaq’, xuk’am k’ut we wujilal ri’ ri k’o ronojel ub’eyal chakunem chupam ri’ rech kanimaxik kita’ik ri winaq alaj taq ak’alab’e e aj iximulew ri’.

Xtatb’en pa riqb’al ib’ pa le Taqawokaj pa Amaq’ ri’

Aretaq xk’is ri nima chomanik pa le Uk’u’x uwoja rech ri ri Joremal ri’ eri Ministro are jun chi kuxo’l ri ajpatanelab’ amaq’ che ri xetatb’enik pa le Taqawokaj rech ri K’iyemal Winaqilal ri xk’am ub’eyal rumalri vicepresidente Jafeth Cabrera,  pa le Salón Banquetes rech ri Nima Rachoch Uk’u’x Amaq’ Nimatinamit ri’.

COMPARTIR