Eri Marixa Lemus Pérez, uq’ab’el ub’i’ kab’ix che “Ri Patrona”, xchapataj pa jumul chik pa le tinamit rech Ahuachapán, El Salvador, are wa’ uwachinik ri sak’ajil chak tzununem xb’an pa komonb’al kumal ri q’atb’altzij rech Iximulew ruk’ ri rech El Salvador ri’, jeri’ ub’ixik xuya’ loq ri Ministro rech Gobernación, Francisco Rivas Lara.

“Aretaq xchapik ri’ man k’ot k’aqanik ch’oj tane’ xb’antajik, pa komon uchapik xqab’an kuk’ ri q’atb’altzij salvadoreñas rech koqatax loq chi la’, eri wokajil ajchajil tinamit e b’enaq chik pa le k’ulb’a’t juyub’ ri’ rech Valle Nuevo chi la’ k’ut xuquje’ kajach wi’ pa kiq’ab’ ri q’atb’altzij chi la’” xcha’ ri taqawokajnel rech ya’olchajinik ri’.

Eri Rivas Lara, xuquje’ xuya’ ub’ixik che xtaq jun wokaj ajchajinelab’ che ri kechajinik aretaq kik’am loq ri Lemus Pérez ri’ xuquje’ rech man karanij ta chik rib’ ri’. Xuquje’ xuya’ ub’ixik che kataq pache’ ri’ kech ixoqib’ Santa Teresa.

Eri Lemus Pérez xranij b’i rib’ pache’ chi la’ pa Mariscal Zavala pa le 11 rech mayo kanoq, chi’ k’u ri’ tz’apin wi rumal kab’ixik are rajawtzij  jun molaj winaq b’anol k’ax che ri kakeleq’aj xuquje’ kakikamisaj winaq ri’ pa taq Escuintla, Santa Rosa xuquje’ pa Jutiapa.

COMPARTIR