Eri Ministro rech Gobernación are xuk’am ub’e’al ri ya’olchajinik ub’i’ “#Guate are Qech ri’”

258

K’a pa nimaq’ab’ eri Ministro rech Gobernación Francisco Rivas Lara e rachb’ilam rajchak rajpatan rech xkimajo pa komonb’alil ri ya’olchajinem tzukunik ub’i’ Operación “#Guate are Qech ri’”, rech xepachik ri winaq b’anol k’ax kab’ixik e uwinaq ri maras, rech ri Barrio 18 xuquje’ rech ri Salvatrucha.

Eri Ministro Rivas xub’ij k’ut eri ya’olchajinem tzukunik ri’ ri’ are uqatim kichapik ri nik’aj nuk’wokaj b’anol k’ax kekamisanik ri kab’ixik e are tajin q’atoj toq’inik pwaq kumal, b’anow taq kamisanik xuquje’ ri kakib’an nik’aj chik b’anow k’ax ri’.

 “Eri b’anow tzukunem chajinik ri’ are b’a’ rech kaya’tajik joremalil pa kik’aslemal ri winaqilal ri’ che ri ronojel taq q’ij kakib’an ri utz pa we amaq’ ri’”, xcha’ ri Rivas.

Are wa’ jun nim ya’olchajinem tzukunik katajin pa le juyub’ tinamit rech Iximulew, jeri’ pa taq le uq’ab’tinamit rech: Villa Nueva, Amatitlan, Mixco, Santa Catarina Pinula xuquje’ pa taq nik’aj chik wokja rech pa Nimatinamit ri’, ruk’ wa’ are rech kechapik e k’i taq winaqil e b’anol k’ax ri’, kojpa’ ri xb’an pa le Rescate del Sur chi’ k’u ri’ e k’i e 86 xechap ri’ xuquje’ pa le Rescatando Guate are chi’ e 109 xechap ri’.

Eri Ministro Rivas xuya’ ub’ixik che are wa’ uwach uchuq’ab’il ya’olchajinem tzukunik katajin rumal ri Ministerio rech Gobernación pa le upatanil ri PNC ri’, rumal ri’ e kajib’ mil chi eqa’lenelab’ rech pa juntir kiwokajil xuquje’ ri rech taq comisarías xetaq ri’.

 “Eri ya’olchajinem tzukunik xkoj ri’ are xuya’ k’ut jun nim q’atenik chi ke pa kiwokajil b’anol k’ax kamisanik ri’ le sib’alaj ketoq’in che pwaq xuquje’ ri kesam le jorob’anem ruk’ le joremalil pa kik’aslemal ri winaq e suk’ e ajchak ri’”.

Eri ya’olchajinem tzukunik ub’i’ “#Guate es nuestra” are wa’ xb’an pa we q’ijol ri’ xa’rumal xeta’maxik che xnimarik ri b’anow k’ax elaq’nik kumal nik’aj b’anol k’ax ri’, rumal k’ut ri tojb’al aguinaldo kab’ixik ri katoj chi ke ri ajchak ri’ xuquje’ are chi’ kakil wi che k’o jun nim okem pwaqil pa kiq’ab’ ri’.

 “Kub’inaq qak’u’x che e k’i na keqachap k’ut kojpa’ ri xechapik pa le keb’ nima’q ya’olchajinem tzukunik b’anom pa we junab’ ri’ le nim k’ut utzijol xuya’ pa retal ri’, we kamik ri’ kojtajin che uterenb’exik uwokik jun nim utzilem che we qatinamit ri’, rumal k’ut eri Iximulew ri’ are sib’alaj kaqaj uwach, xa’rumal are sib’alaj qech ri’, kech konojel ri winaqil tinamit e suk’, e ajchak, e utz, e jikom ri’. Eri iximulew ri’ tajin uk’extajik pa ub’anikil ri’ xa’rumal ri are k’ut kab’an wa’ we jun ya’olchajinik ri’”, xcha’ ri Rivas.

 

COMPARTIR