Eri Ministro rech Gobernación, Francisco Rivas Lara, sib’alaj xuya’ ub’ixik che ri chakunem che ri xb’antaj ri’ are rech kaq’atexik ajb’anol che ri kakiq’axaj winaq rech kakib’an k’ax chi ke ri’ xuquje’ rech uq’atexik winaq keq’ax pa taq amaq’ ri’, are xuya’ ub’ixik che ri katajin pa komonchak kuk’ ri nimatinamit rech ri Triángulo Norte are wa’ uya’m pa retal rech e q’atim molaj b’anol k’ax che ri jewa’ k’ax tajin kakib’an ri’.

Xuquje’ xuya’ ub’ixik che ri tob’anik uya’om ri Estados Unidos ri’ are rech kaq’atexik wa’ b’anow k’ax ri’ jacha’ ri e ajk’ayin awan kunb’alil xuquje’ ri ruk’wokaj b’anow kamisanem pa taq k’ulb’a’t juyub’ rech Iximulew, Honduras xuquje’ El Salvador, are k’o nim upatanin pa b’anow k’iyemalil ri’.

“Xq’alajin k’ut aretaq xojchakun pa komon ri’. We kamik ri q’atb’altzij e are e rajawtzij konojel rech uya’ik pa saqil ri b’anow k’iyemal ri’ xuquje’ are wa’ k’o nim kupatanij pa le ub’anikil ya’olchajinik ri’”, xcha’ ri Rivas Lara, pa le xtatb’en wi pa le uq’ijol ri “Nimchomab’al rech ri K’iyemal xuquje’ Ya’olchajinik Centroamericana ri’”.

COMPARTIR