Eri Ministro rech Gobernación kub’ij che kaqaj ri kamisanik pa we amaq’ ri’

194

Eri Ministro rech Gobernación Francisco Rivas Lara, xuya’ utzijol che kaqaj na pa 23 uchuq’ab’il ri kamisanik che jujun taq 100 mil chi winaqilal ri’ pa le utaqanib’al ri’, jeri’ xuya’ ub’ixik pa le Foro chi rij Ya’olchajinik rech we Amaq’ 2017, xb’an rumal ri Fundación rech ri K’iyemal rech Iximulew (FUNDESA), are uwach uterenb’exik ri ch’ob’otal cholchak ri’ rech Kariqb’al kib’ pa Tinamit kech Ajpoq’sal Meb’il Pwaqilem (ENADE).

Eri Rivas Lara, xutzijoj che pa junab’ir kanoq xb’antaj kowinem eri b’anow k’ax xqaj pa 29 b’anow kamisanik che jujun taq 100 mil chi winaqilal ri’ pa 27.

“Are wa’ jun b’anow ilonchak rumal ri we amaq’ nimatinamit ri’, man xaq ta ri’ jun b’anow ilonchak ri’ xane’ are upatanil ri Ministerio rech Gobernación xuquje’ ri K’amow ub’e Taqawokajil ri’, rech pa ujikomal komonchak pa taqawokajil ri’ ruk’ ri uchakum chik ruk’ ri Ministerio Público, ri Instituto rech Ciencias Forenses, ri Organismo Judicial xuquje’ kuk’ ri winaqil tinamit e aj iximulew ri’”, xcha’ ri Rivas.

ri taqawokajnel ya’olchajinik pa we amaq ri’, xuyb’ij che are rech kaq’atatajik ri b’anow taq k’ax ri’ are sib’alaj rajawaxik eri winaq tinamti kakub’ kik’u’x chi kij ri Wokajil Ajchajil Tinamit (PNC) xuquje’ are wa’ kab’antaj kowinem ruk’ aretaq kachomarik pa kajilab’al ri wokajil ajchajil tinamit ri’.

Xuquje’ xutzijoj che kab’antaj na kowinem ruk’ kaq’atexik ri b’anow k’ax che ri ujastaq ri umeb’il amaq’ tinamit ri’.

“Qastzij b’a’ kojtajin che uchakuxik uwach ub’eyal taq ri k’o nim upatan ri’ are rech k’o utzalaj uwachil kuya’o ri’ are rech utz rilik kumal ri winaqil tinamit ri xuquje’ qastzij b’a’ k’o ya’olchajinik ri’ xuquje’ jeri’ eri b’anow k’ax ri’ kaq’atatajik pa no’jimal ri’”, xcha’ ri Lara.

Pa le foro ri’, xuquje’ chi’ xtatb’en wi ri Fiscal General rech ri Ministerio Público, Thelma Aldana xuquje’ ri K’amal b’e rech ri Instituto rech Ciencias Forenses, Jorge Nery Cabrera.

COMPARTIR