Eri Ministro rech Gobernación xkub’isaj ya’olchajinik pa Ixchiguán xuquje’  Tajumulco

185

Aretaq xok’ow jun ik’ ri’ are chi’ xkoj ri Korlim ri Ya’olchajinik pa taq le uq’ab’ tinamti rech Tajumulco xuquje’ Ixchiguán pa San Marcos, eri Ministro rech Gobernación ri’, Francisco Rivas Lara, xuya’ ub’ixik che kakub’isaj na uwach ri ya’olchajinik chi’, ri jorob’anem xuquje’ ri joremal che ri rajawaxik pa taq ri tinamit ri’.

Rumal ri’ k’o ri cholchak rech ub’anikil k’iyemal ri’ xuquje’ rech k’o pwaqil kakoj kuk’ nik’aj uq’ab’taqawokaj rech pa Amaq’il ri’, rech katikib’axik kuwach ri winaqil pa taq kik’aslemalil ri’ xuquje’ rech ya’talil k’amow ib’ ri tz’aqat chi kuwach ri’.

Eri Ministro ri’, eri uchak patan are kuk’ ri chikijujunal ri winaqib’ ri’ rech kaya’tajik ri tz’aqat chi ke, rech kaya’taj ri’ ri ya’olchajinik, ri jorob’anem xuquje’ ri joremalil ri’.

“Kojtajin che ukojik ronojel ri qachuq’ab’ qakowinib’al ri’, ri qachakub’al ri’, are wa’ kojtajin che ukojik kuk’ ri keb’ komon winaqilal ri’, rech kujowin che uya’ik joremal kuk’ ri’ xuquje’ rech k’o ri k’iyemal pa taq le tinamit ri’”, xkub’isaj le Rivas Lara.

Eri tzukno’chak ri’

Eri Rivas Lara taqawokajnel rech ri ya’olchajinik ri’, xuya’ ub’ixikche ri tzukno’jchak che ri katajin chi kij ri molaj b’anol k’ax che ri kakiloq’ we awan ichaj kunb’alil pa San Marcos are katajin uterenb’exik ri’.

Xkub’isaj ub’ixik che ri chomanik kuk’ ri q’atb’altzij mexicanas, are rech kata kitzijol ri molaj b’anol k’ax che ri sib’alaj k’ax tajin kakib’an pa taq le uq’ab’tinamit rech San Marcos, qaraj wene’ are ri molaj b’anol k’ax rech Jalisco ri’.

“Naj ta ri’ kaqaya’o ub’ixik juntir ri tzijol ri’ chi rij kiq’alajib’al ri nuk’wokaj b’anol taq k’ax kamisanik ri’ rumal ri tiko’n rech amapola pa Ixchiguán xuquje’ Tajumulco,” xkub’isaj ub’ixik ri Rivas ri’.

Uchomirik ri ya’olchajinik ri’

E pa miércoles kanoq eri Congreso rech ri Amaq’il xkitaq ukojik pa jun ik’ chik ri Korlim Ya’olchajinik pa Tajumulco xuquje’ Ixchiguán ri’.
eri utaqim ri ukojik jun ik’ chik ri’ are rech kaya’taj pa ujikomal ri taqanib’alil chi’ xuquje’ rech kachakux uk’iyemal pa taq le k’olib’alil chi’, jeri’ jacha’ rech kachomatajik ri k’ulb’a’t juyub’ chi kuxo’l ri tinamit ri’.

COMPARTIR