Eri Ministro rech Gobernación xuta kuyb’al mak rumal man tzij taj taqom uchapik jun xk’oji che ajpatanel ri’

225

Eri Ministro rech Gobernación Francisco Rivas Lara, xuta nim kuyb’al mak chi rij man tzij taqom uchapik ri jun ex viceministro rech economía, Enrique Lacs Palomo, ri man tzij taj taqom uchapik ri’.

Eri Rivas Lara xkub’isaj ub’ixik che ri jun b’anow k’ax ri’ kuk’utu che k’o itzelal pa le wokajil ub’antajik ri q’atb’altzij ri’ rumal ri itzelal kojom pa le uchomanik ri’, ri man kuya’ pa saq ub’anik ronojel uwach ri uchak patan ri’, jacha’ pa taq ri uq’ab’ taq wokajil rech q’atb’altzij ri’ xuquje’ ri rech ya’olchajinik ri’ are wa’ kasuk’umax uwach ri’.

“Are wa’ xq’alajinik, rech kasuk’umaxik k’o jun cholchak rech suk’ub’al rech ri’ xuquje’ k’o jun komonchomanik pa uk’isb’alil ri’, pa le ub’anikil uchak upatan ri wokajil q’atb’altzij ri’ k’o jun nuk’ulem rech chomanik pa komon kakoj ri’ xuquje’ ri chak patan pa le uwachwuj pa kemamtzij ri’ rech man k’ot chik wujil kakoj ri’, are wa’ jun k’utunsab’al ri’ xuquje’ are jun ub’anikil q’axaltzij tzijob’enik chi kuwach taq ri uq’ab’ ri taqawokajil ri’”, xcha’ ri Rivas.

Xuquje’ xuya’ ub’ixik che ri taqon chapem man tzij taj k’o tzukno’jchak kab’an chi rij ri’ xa’rumal k’o ri itzelal taqanel rech ri’ xuquje’ e k’o pa awalik ri uterenb’em ri jun wujil ri’ che chupam ri’ are rech kab’an che ri ex viceministro Lacs, “eri tzukno’chak kab’an pa wokajil chakunem  xuquje’ pa q’atb’altzij ri’ are rech kilik chinaq xtaqow ub’anik jun k’ax ri’ rech kechapik”, xcha’ ri Lara.

Eri ub’anikil utz’ib’axik ri’

Eri taqawokajnel rech ya’olchajinik ri’, xuya’ ub’ixik che ri e ajno’jchakunel chi rij ri ub’anikil utz’ib’axik ri e k’o pa Wokajil Chajin Tinamit ri’ (PNC), pa unab’ejsab’al b’anow ch’ob’ow chi rij ri jun wujil che ri xjuch’ rumal ri q’atol tzij ri’ xuquje’ pa k’isb’al rech xb’ixik eri ujuch’ik xb’anik maj pa usaqil ri’.

Rumal wa’ eri Rivas Lara xuya’ ub’ixik che ri wujilal ri’ are kataq na ri’ pa le Ciencias Forenses (INACIF), rech kasolix uwach rumal jun ajno’jchakpatanel ri qas kuna’w che uch’ob’ik ub’antajil ri jun wujil ri’ rech kuk’is ub’ixik jas qas ub’anikil ub’antajil ri’.

COMPARTIR