Ri Ministro rech Gobernación xmolin ruk’ ri Q’atb’altzij rech Ya’olchajinik rech EE.UU

235

Pa le ropanb’al ri Nimq’atb’altzij rech Ya’olchajinik rech Nimatinamit rech Estados Unidos, John F. Kelly, eri Ministro rech Gobernación, Francisco Rivas Lara, xuya’ ub’ixik che kamolin pa miércoles petinaq chik ri’ pa ta le rachoch taqawokajnem, rech k’o k’i uwachtzijonem kakichomaj uwach ri’ chi rij ri ya’olchajinik pa we amaq’ tinamit ri’.

“Eri chomantzij kakib’an ri’ are chi rij ri kiq’atexik ri e ajk’ayin awan kunb’alil ri’, chi rij ri winaq e k’amom b’ik rech kemim pa taq k’ax ri’, chi rij e ajq’axel winaq, chi rij taq ri wokajil ajchajin tinamit, chi rij taq ri tijonem ri’, are rech b’a’ kachomaxik rech k’o keta’max che”, xcha’ ri Rivas Lara.

Eri upetem ri’ are rech katerenb’exik uyakik pa jikomal xuquje’ rech kanimarsax uwach ri ya’olchajinik, rech utaqixik kakub’isax uwach ri b’anow chomanik ruk’ ri ya’b’al tob’anem ri’, je ri’ rech kya’ pa utzijoxik ri ya’olchajinik b’anom chik pa we amaq’ tinamit ri’.

Eri upetib’al ri Kelly ri’ are pa le 21 pa le 22 rech ik’ febrero ri’, chi’ k’u ri’ kakimol kib’ ruk’ ri Nima K’amal b’e Jimmy Morales, ruk’ ri Canciller xuquje’ ruk’ ri embajador rech Estados Unidos pa Iximulew ri’.

COMPARTIR