Eri Taqawokajnel Ya’olchajinik xub’ij “Sib’alaj itzelal xuquje’ ya’b’al k’exib’al” rilik ri xkib’an ri nik’aj e Ajchajin Tinamit ri’

535

Sib’alaj itzelal xuquje’ ya’b’al k’exib’al rilik ri xkib’an nik’aj e ajchajinel pa tinamit ri’ xcha’ ri Ministro rech Gobernación, Francisco Rivas Lara, pa le jun ilb’alil kuwach ri keq’alajin wi e k’i taq eqa’lenelab’ rech ri ajchajil tinamit ri’, pa jun riqb’al ib’ xkiraq wi kib’ aretaq ketaqataj pa chak patan ri’ xuquje’ are chi’ xk’oji wi kuk’ jun ixoq a b’anow xojoj ri’.

 “Chaqe uj uj q’atb’altzij, ri uj k’o pa kiwi’ e 40 mil chi ajchakib’ che ronojel taq q’ij kakitij kichuq’ab’ che ub’anik saq che kichak patan ri’ xuquje’ rech pa le kanimaxik ri winaq tinamit  e aj iximulew ri’ xuquje’ man kojuxulun tana rech kab’an uch’ob’ik jasche xk’ulmataj ri’ we jun itzel b’anow k’ax ri’ xuquje’ rech qas kaqilo chinaq ri ajmak chi rij ri’ rech qas kachob’ik chinaq xesan ri jun kachib’al ri’ xuquje’ rech kow kayajik xuquje’ rech kataq pache’ ri’”, xcha’ ri Ministro ri’.

Eri nik’aj itzel b’anikil ri’ ke’uya’o pa k’ax ri’

Xub’ij chik ri’ eri eqa’lenelab’ xeb’anow ri jun k’ax itzelal ri’ keqaj pa tojb’al mak ri’ xa’rumal eri xkib’ano ri’ are sib’alaj b’anow k’ax man je tari’ k’utum chi kuwach pa le wokajil ajchajil tinamit ri’.

Eri Rivas Lara xuya’ ub’ixik ucholajil che we nik’aj itzel b’anikil ri’ are kub’an k’ax che rilik uwach uchak patan ri Wokajil Ajchajil Tinamit ri’, ri pa konojel e 35 mil chi eqa’lenelab’ ri’ le sib’alaj tajin kakikoj kichuq’ab’ pa le kanimaxik ri winaq tinamit pa we amaq’ ri’ che ri xa’ kumal e keb’ oxib’ itzel kib’anik kakib’an k’ax che ri’ rumal ri’ eri winaq tinamit rech Iximulew man utz ta chik kakil ri kitz’iyaqb’al ri e ajchajil tinamit ri’ xuquje’ man kakub’ ta chik kik’u’x chi ke rumal ri itzel b’anow k’ax ri’.