Eri Ministro xuya’ ub’ixik unimal uwach ri chak patan b’anom chik pa le Taqawokajnem Ya’olchajinik pa Amaq’

433

Tajn xqaj loq pa urajilab’al kikamisaxik winaq ri’ xuquje’ ruk’ uq’atexik ri b’anow k’ax ri’ rumal ri nim ya’olchajinik xb’an pa le kiq’atexik k’i taq molaj winaq e b’anol k’ax ri’ pa taq le toq’inik pwaq ri’, are ri’ qas uwach ri tzijol taq xuya’ ub’ixik pa le ilob’al q’axaltzijol ri’ rech pa 8:45 rech canal antigua rumal ri Ministro rech Gobernación, Francisco Lara are k’ut qas xuya’ ub’ixik ri’ pa le chak patan ub’anom pa le taqawokajnem ri’.

Eri Ministro xuya’ ub’ixik ri’ che ri jun nim poq’sanik xb’antaj pa jun ch’ich’ rech erelwinaq ri’ kanoq ri e k’i winaq xekam wiri’ kanoq are qas k’axk’olil xk’ulmataj pa le uchak patan ri’, chi rij ri’ k’o nim tzukunik xb’an chi rij k’ut rech xb’antaj kowinem xechapatajik ri xeb’anow rech ri k’ax ri’.

Ri ucholajil utzijol ri Byron Lima

Pa le k’otojtzij xb’an che ri Ministro xuya’ k’ut ub’ixik chi rij ri ub’anik ukamik ri q’atz ajpache’ Byron Lima, eri are ri’ are jun chi ke ri e ajpache’ ri sib’alaj k’o nim utaqanib’al xub’an ri’ chi’ xuquje’ rumal ri’ e k’o k’iyalaj taq winaq chi’ xtzilb’an rech pa le Wokajil Japache’ ri’, rumal ri’ eri tzukunik xb’an chi rij ri ukamikal ri’ are xuk’utu che xkamisaxik xa’rumal e ch’oj chi kuwach kuk’ nik’aj chik e ajpache’ rech ri Granja Penal rech Pavón.

Ri Reta’mim loq aretaq xk’oji pa q’atol tzij ri’

Eri are ri’ k’o lajuj junab’ xchakun loq k’a pa le nimalaj q’atb’altzij rech ri Ministerio Público ruk’ ri Mingob ri’, Eri Rivas Lara ri’ xkub’isaj ub’ixik che ri are uk’aslemam chik k’i uwach chomanik chi rij ya’olchajinik ri’, rumal ri’ uchomam chik kuya’ pa kojik jun nimalaj ub’eyal ya’olchajinik pa le junab’ k’a pa le 2020 ruk’ utaqixik nima’q taq b’anow chakunik ri’.

Eri Rivas Lara xuya’ ub’ixik ri’ che pa le uchak patan ub’anom ri’ k’o chakunik, k’o no’jb’anik xuquje’ k’o chak no’jb’anik kuk’ winaq ub’anom usuk’umaxik uwach ri’ xuquje’ k’o jun utzalaj komonchak ub’anom ruk’ ri Ministerio Público xuquje’ kuk’ ri wokajil rech ri q’atb’altzij ri’ che are uya’om utak’alib’em pa le uya’ik jun utzalaj ya’olchajinik pa we amaq’ ri’.