Eri Ministro rech Gobernación Francisco Rivas Lara pa Taqawokajil B’anol Taqanib’al pa Amaq’il xuya’ wi ub’ixik che k’o nim kiq’atexik ri molaj b’anol k’ax xub’an pa tinamit ri’ rumal k’o utz ub’anikil kojom ri chokonsab’alil ri’.

Rech are kanimaxik kakojik jun cholchak ya’olchajinik ri’, pa le q’atel b’anoj k’ax, pa le ya’olchajinik chi ke ri winaq tinamit, eri uchak patan ri Wokajil Ajchajil Tinamit xuquje’ ri uya’ik uchuq’a’b’il ri Wokajil Japache’ ri’.

 “Katajin k’ut utz ukojik ri chokonsab’al rech uya’ik jun utzalaj chajinik xuquje’ rech q’atel uchuq’ab’ ri b’anoj k’ax ri’ xuquje’ ri b’anoj k’ax kab’an che ri umeb’il ri tinamit Iximulew ri’”, xcha’.

Eri Ministro xuya’ utzijol ri’ che are katajin rilik rech utz ukojik ri jub’ik chokonsab’al kab’anik pa le q’atel b’anoj k’ax ri’ pa le k’olib’em jaqib’al ri’, pa taq le tinamit rech Villa Nueva, Mixco, pa Nimatinamit, Chinautla, Amatitlán xuquje’ pa San Miguel Petapa.

Qas chi’ k’ut kojom wi ya’olchajinik ri’ xa’rumal chi’ k’ut qas tajin kak’ulmataj wi b’anoj k’ax ri’, chi’ qas q’atel wi’ ri b’anoj k’ax ri’.

 “Pa we junab’ ri’  e k’o 30 molaj b’anol k’ax e q’atim chik, e k’o k’ut e 200 winaq e chapom e uwinaq ri nik’aj b’anol k’ax ri’ xuquje’ pa konojel e k’o chik e 29,000 chi winaq e chapom chik pa le waqib’ ik’ rech chak patanem ri’”.

Pa le rajilaxik sib’alaj xq’alajinik che k’o pa jun 1% qajinaq chik uwach ri b’anoj kamisanik ri’, je ri’ le b’anoj elaq’ chi ke winaq pa taq b’e wa’katem ri’, je ri che ri tyoxaja ri’, che ri ja k’olib’em, xuquje’ je ri’ pa uya’ik uchuq’ab’ ri Wokajil Japache’ ri’.

E k’o k’i molaj taq b’anol k’ax xechapataj ri’

Eri Ministro xuya’ ub’ixik che k’o reta’mab’al che pa taq le japache’ e k’o nik’aj molaj b’anol k’ax kakib’an toq’inik pwaq chi ke winaq ri’ xuquje’ k’o winaq kakitaq kikamisaxik ri’, xuquje’ xuya’ ub’ixik che ri e tz’apil pa le Japache’ ri k’o pa zona 18, pa Fraijanes pa Cantel xuquje’ pa El Infiernito sib’alaj kititz’om kib’ chi’.

Rumal k’u ri’ k’o jun nim tzukunem katajin kuwach chi kij ri nik’aj molaj b’anol k’ax ri’, xuquje’ are rech qas kach’ob’ kuwach nik’aj b’anol k’ax ri’, xuquje’ xtaq kichapik konojel ri ajtob’anel kech pa taq uxo’l pa taq tinamit ri’ xuquje’ rech kaq’at k’ak’ kimak b’anoj k’ax chi kij ri’ ri e ajb’anol k’ax ri’ e tz’apil pache’ ri’.

Eri uwach le tzukunem ri’ are sib’alaj utz, rumal ri’ e pa we junab’ ri’ e k’o chik 30 molaj b’anol k’ax e chapom chik, are wa’ chi ke ri e 12 kakib’an loq ri k’ax ri’ k’a pa taq japache’, are la’ kichak kib’anom ri’ xab’a maltyox che ri kichak kipatan ri PNC ri’, kuxe’ ub’eyal utaqanik ri k’amoj b’e le wokajil ri’ rech ri Ministerio Público ri’.

Eri q’atib’al rech retal taq ch’a’wib’alil ri’

Eri q’atib’al retal taq ch’a’wib’alil ri’ le k’o pa taq le 21 uwach japache’ are ri’ pa le wuqq’ij ri’ amaq’el katajin b’anoj chajinik pa uwokajil ri’ rech kilik ri uchakunik ri’, je ri’ xuya’ ub’ixik ri Ministro Francisco Rivas.

Pane’ b’a’ eri taqaninem che man k’ot chik, katajin b’a’ uchakuxik ruk’ utob’anik ri wokajil ajya’l rech ri ch’a’wib’alil ri’ xuquje’ eri q’atib’alil chi rij ri’ are katajin upatan pa jun 80%  ri’.

Pa le uterenb’exik le ya’olchajinik k’o suk’umalil tajin kab’an che xuquje’ k’o katajin usuk’umaxik che ri nik’aj q’atib’a rech ri’.

Eri taqawokajnel xub’ij che k’a pa le Ministerio rech Gobernación katajin uwokik uchakuxik rech jun cholchak chi rij rech kataq pa Wokajil B’anol Taqanib’al ri’ xuquje’ rech man katanab’ ukojik ri q’atib’al rech taq ch’a’wib’al pa taq le Japache’ ri’.

Xmajtaj ri b’anoj tzukunem chi rij taq

Rumal ri jun ximontzij xb’an pa q’atb’altzij rumal ri Q’atol tzij Miguel Ángel Gálvez, ri xuya’ ub’ixik che pa le Wokajil Japache’ ri’ k’o itzelal toq’inik pwaq maj pa usaqil kab’an ri’, rumal ri’ eri Ministro Rivas Lara, xuya’ utzijolil che katajin uterenb’exik ri jun b’anoj ximontzij ri’ rumal ri’ k’o jun nim tzukunik katajin pa komon ruk’ ri Ministerio Público rech kilik we qastzij ri’.

Eri tzukunem ri’ are katajin pa jun yab’al retal tijonem ri’ xuquje’ eri ub’anikil le tzukunem chi rij ri’ are k’o utzalaj  uwachinik kuya’o, pa le rilik we k’o pa retalil kab’an q’atoj tzij chi kij ri’ nik’aj winaq e ajmak ri’ chi rij rech b’a’ kataqataj pa jumul chik uya’ik ub’antajik ri ub’eyal taqanik pa taq le japache’ ri’, xcha’ ri taqawokajnel ri’.

Swiffy Output
COMPARTIR