Eri Ministro Francisco Rivas xya’taj jun ch’akb’al che rumal utzalaj upatan ub’anom pa le Wokajil Ajchajil Tinamit

214

Eri eqa’lenelab’ rech ri Wokajil Ajchajil Tinamit (PNC) pa taq le nab’e q’ij ri’ kaya’taj chi ke ri’ rech ke’ok che Urox Taqanelab’ rech chajin tinamit ri’ e are k’ut xkiya’o jun nim ch’akb’al loq’ob’al uwach kichak patan ri q’atb’altzij rech ri Ministerio rech Gobernación xuquje’ ri PNC ri’.

Are wa’ xb’antaj pa jun nim loq’ molinem xb’an pa le Tijob’al rech Tijb’enik chi ke ri Taqanelab’ ri’ (ESFOP), Are wa’ xb’antaj pa jun nim loq’ molinem xb’an pa le Tijob’al rech Tijb’enik chi ke ri Taqanelab’ ri’ (ESFOP), eri ajtijoxela’ xejachowik chi’ k’ut xkik’ut wi che nimalaj kakimaltyoxij che ri Ministro rech Gobernación Francisco Rivas Lara xuquje’ ri K’amal b’e rech PNC, Nery Ramos Ramos rumal taq ri tob’anik xuya’ chi ke pa taq le xetijox wi pa le tijob’al rech ri wokajil ajchajil tinamit ri’.

Eri Comisario Edwin Manfredo Ardiano, K’amal b’e rech ri ESFOP, xub’ij che are wari’ ri Ukaj Kuwach ri Puq ke’ok che Urox Ajtaqanelab’ ri’, chi’ k’u ri’ kakik’am wi kiwujilal rech xkitijoj kib’ e 53 chi ajtijoxela’, e 50 achijab’ ri’ xuquje’ e k’o oxib’ ixoqib’ chi ke, eri e are ri’ jo’lajuj ik’ xek’oji pa tijob’enik xb’an pa le Tijob’al rech Ajchajil Tinamit ri’.

“We jun puq ri’ are kow katijoxik xb’anik rech xkik’am nim kano’jib’al pa we ri’, are wari’ kuya’o nim uchuq’ab’ ri wokajil ajchajin tinamit ri’ pa taq ri jalajoj taq k’olib’em juyub’al ri’ rech sib’alaj utz kechakun pa le kichajixik ri winaq tinamit e aj iximulew ri’”, xcha’ ri Comisario Ardiano.

Pa taq le wuqub’ q’ij rech febrero eri nimaq’ij rech ya’b’al aq’ansab’al keqale’n ri’ chi ke e 53 chi ajtijoxela’ ri’ rech ke’ok che Urox Taqanelab’ xuquje’ rech ke’ok che Licenciados rech Ciencias Policiales ruk’ keta’mab’alil rech Policía Comunitaria rech ri Nimatijob’al rech Occidente ri’.

Eri Ministro rech Gobernación Francisco Rivas xub’ij keb’oxib’ utzij chi ke ri e k’ak’ taq ajtaqanelab’ ri’ che pa jub’ik chik ke’ok che k’amal b’e kech ri k’ak’ kuwach eqa’lenelab’ rech ri PNC.

“Eri ik k’o jun nim chak patan chiwach ri’ pa le iweqale’nib’al kib’ano, rumal k’ut iweta’m ri’ che k’o b’anow k’ax k’o maj kub’sib’al k’u’x ri’ pa Iximulew ri’, k’o majun taq kilik ri winaq kb’anik xuquje’ man k’ot chak ya’talil pa le uk’iyemal we amaq’ ri’ xuquje’ are wa’ uq’atim ri ya’b’al utzilem chi ke ri winaq ri’ rumal ri’ k’o nimalaj meb’a’il ri rajawaxik kachomaxik ri’, ix k’u ri’ kixkowin che uq’axik ri k’ax kuq’atij ib’e ri’, ri ix kixkowin ri’ kiterenb’ej ib’e xuquje’ rech kiloq’oj kib’an utz che ri ichak patan pa le PNC ri’”, xub’ij ri Rivas.

Eri K’amal b’e rech ri PNC, Nery Ramos Ramos xub’ij che sib’alaj kuna’ nim ki’kotem pa ranima’ rumal kurilo che ri taqanelab’ ri’ tajin ketatb’en pa le b’anow tijob’enik ri’ ruk’ juntir ronojel uwach keta’m ri’, eri ix ix utzalaj taq winaq ri’, man k’ot b’a’ itz’ilom wi iwib’ pa ik’aslemal pa le PNC ri’ xuquje’ rumal ri’ kakub’ nuk’u’x wanima’ iwuk’ rumal ix utz xixcha’ik ri’.

“Man kub’an ki’eb’ qak’u’x chiwe rumal ri iweta’mab’al ri’, rumal ri kixkowin che upatanixik ri’ xuquje’ rumal ri’ kakub’ qak’u’x chiwe rumal  ri’ xa’ pa jub’ik ri’ kixok che nimanem pa uxo’l taq ja pa tinamit ri’ rech kinimaj xuquje’ rech kichajij ri winaqil pa Iximulew ri’ xuquje’ wene’ rech e k’o winaq achijab’ ixoqib’ kiya’ no’jib’al chi ke aretaq pa taq ri ichak ipatan kib’an ri’”, xcha’ ri Ramos.

COMPARTIR