Are wa’ utzijolil rech uq’alajisaxik ri ub’insaxik ujitik chinaq kak’amow ub’anik we wujil ri’, rech kaloq’ik ri k’ak’ wujil ri’, rech kab’anik kesaxik ri wujq’axb’al ri’, eri Taqawokajnel rech Gobernación Francisco Rivas Lara, ruk’ ri ri K’amal b’e rech Migración Karen Cecilia García xe’opan pa le xesik’ix wi pa Wokajil B’anol Taqanib’al pa Amaq’ ri’ rumal ri’ Bancada Alianza Ciudadana ri’.

Pa le molin ib’ ri’ eri b’anol taqanib’alil Francisco Tambriz ruk’ ri Marvin Orellana, xkitaq che ri Taqawokajnel ri’ chi rij ub’antajil we kamik ri jitab’al rech kab’anow ri wujilal ri’ xuquje’ xuya’ ub’ixik chi rij jas che man xk’am ta ri jitonik xub’an ri Korea del Sur rech resaxik we taq wujilal ri’.

Chi rij k’u wa’ eri taqawokajnel xuya’ ucholajil ub’ixik ri’ k’a pa le ik’ febrero ri’ xmajtaj loq utoq’ixik uwach ri jitb’al chinaq kib’anow ri wujilal ri’ rech kesaxik ri wujq’axb’al rumal ri K’amoj b’e rech Migración ri’, eri ub’anikil ri’ le k’o pa q’atojil rumal ri Utaqanik rech Chakub’al rech ri pa we Amaq’il, we kamik e k’o chik e k’i kikaj keb’anow rech ri wujil ri’ rumal k’u ri’ eri Komon Chomanel rech are kurilo chinaq kachakun rech ri’ ruk’ unimaxik ub’anikil rech ub’antajik ri’.

Xuquje’ are rech kaya’ utzijoxik che e k’o tinamit kiakj kechakun rech ri’, kojpa’ Estados Unidos, Inglaterra, España xuquje’ Korea, ri xkitzalij kib’ chi kij rumal man kekowin taj kakinimaj uwach ri kata’ik rumal ri taqanik ri’ xuquje’ rumal man e tz’ib’atal ta chi’ pa we amaq’.

chi rij wa’ eri Ministro xuya’ ub’ixik che ri k’ak’ wujilal ri’ are rajawaxik kunimaj ronojel ri taqom pa ya’tajil chi rij rumal ri’ Oficina rech Aeronáutica Civil rech ri Naciones Unidas, ri are kub’ij jas taq ri kupatanij rech ub’anik resaxik ri wujq’axb’al ri’.

Ronojel ri chomanik rech loq’o’manik rech kab’anik pa saqilb’anik, pa ch’ajch’ojil xuquje’ pa maj b’anoj elaq’nik chi rij ri’, are wa’ uwach saqtzij q’eb’em puwi’ ri’ rumal le ilonb’al chakunem we kamik ri’.

Swiffy Output
COMPARTIR