Rumal le rok’owsaxik utz’aqatsaxik Ub’elejlajuj Ujunab’ rech ri Fundación rech ri Wokajil Ajchajil Tinamit (PNC), ri Subdirección rech Q’atel b’anoj k’ax are xuwok jun nimaq’ij ri’ ri xecho wi le alaj Ali le alaj Ala rech xe’ok che Comisario pa we jun q’ij ri’.

Eri Ministro rech Gobernación Francisco Rivas Lara rachib’il ri Viceministro rech Seguridad Ricardo Guzmán kuk’ ri k’amal b’e rech ri Wokajil Ajchajil Tinamit pa le ya’ol tob’anik pa le kicho’ik ri keb’ alaj taq ak’alab’ ri’ pa le Wokajil Ajchajil Tinamit xuquje’ rech yab’al nimanik pa we amaq’ ri’.

Pa le nimaq’ij ri’ xek’oji e waqxaqib’ alaj taq ali taq ala xek’oji pa kib’i’ taq katinamit ri’.

Eri alaj taq ak’alab’ ri’ xekowinik xkib’ij loq’ taq tzij chi kuwach ri ajcho’el kech ri’ chi rij ri loq’ reqa’lenib’al ri K’amal b’e rech ri PNC ri’, xuquje’ rech xetzijon chi rij taq le no’jk’aslemal ruk’ ri keqa’lenib’al kakik’am pa we jun q’ij ri’.

Eri Ministro Rivas xuya’ ub’ixik che are jun loq’ob’al che rumal are jun xk’oji pa we nimaq’ij rumal chi’ k’u ri’ kakinimaj wi ri kachik’ ri alaj taq ali ta ala pa le yab’al patan nimanik ri’.

 “Are wa’ k’o jun upatan ri are rajawaxik kepixb’ax che ri taq ak’alab’ ri’, xa’rumal are wa’ ri qas utak’alib’al ri ya’tal kanoq che ri qalk’uwal ri’ rech kak’oji jun utzalaj chuwe’q kab’ij chi ke taq ak’alab’ ri’”, xcha’ ri taqawokajnel ri’.

Xuquje’ xuya’ ub’ixik che wa je wa’ kepixb’ax che ri taq ak’alab’ rech kakib’an suk’ che kib’ xuquje’ man k’ot xaq kakichapo xuquje’ are kakojo b’a’ kichuq’ab’ rech kakitijoj kib’ xuquje’ rech kakipatanij uwokik pa nim utzilem ri qatinamit ri’ chuwe’q kab’ij.

Rumal ri’ pa we q’ij are xok che k’amal b’e rech ri PNC ri alaj ali ub’i’ Johana Mayorga Navaz rech ajk’amal b’e rech ri Distrito Oriente fxuquje’ eri Marie Judith Higueros Escobedo xok che k’amal b’e rech ri Distrito Noroccidente ri’.

Swiffy Output
COMPARTIR