Are kiq’atexik ri e ajk’ayin awan kunab’al, ri b’anow k’ax ruk’ ri nuk’wokaj kamisanem ri’ are wari’ ri xchomaxik pa le riqb’al ib’ kumal ri Ministro rech Ya’olchajinem ruk’ ri rech Ajchajil Amaq’ rech ri Triángulo Norte, ri xb’antaj ri’ pa le Salvador, ri xk’oji wi ri taqawokajnel rech Gobernación, Francisco Rivas Lara.

Aretaq xch’a’w ri Rivas Lara ri are xub’ij che ri ub’anikil q’axal tzijolinik ruk’ ri woksolinchak are xb’antaj kowinem xb’anik aretaq xb’an ri molinik kuk’ ri k’amal b’e rech Iximulew xuquje’ El Salvador, eri b’anikil chomanik ri’ are xoksaxik pa le kiq’atexik ri nik’aj molaj b’anol k’ax ri’.

 “We jun riqb’al ib’ ri’ are k’o nim upatan pa we rulewal tinamit ri’. We kamik ri’ kuk’ ri keb’ k’amal b’e amaq’ib’ k’o kawok uwach kachomaxik ri’ xuquje’ k’o kach’ob’otaj ri’, are rech we keb’ amaq’ib’ tinamit ri’ kakikojo pa le q’atel kuwach nik’aj molaj b’anol k’ax ri’” xcha’.

Xuquje’ eri Ministro rech Gobernación, xuya’ ub’ixik che unimal b’anow k’ax pa taq le tinamit rech ri Triángulo Norte are ri toq’inik pwaq chi ke winaq ri’ ruk’ ri poq’san pwaqil maj pa usaqil, rumal ri’ rajawaxik katanab’ax taj kiq’atexik ri’.

Pa le riqb’al ib’ xuquje’ xchomax rij ri utak’alib’em rech kakojik ri Fuerza rech Tarea Maya-Pipil, ri sib’alaj kachajin ri’ pa chuxo’l ri Iximulew ruk’ El Salvador ri’.

Eri Mauricio Landaverde, Ministro rech Q’atb’altzij xuquje’ Ya’olchajinik pa Nimatinamit la’, ri are xub’ij che are wa’ jun “nim kowonib’al” che ri xkiraq kib’ ri komon e aj iximulew pa le riqb’al ib’ ri’.

 “Eri chakunem chi kuwach kumal ri Iximulew ruk’ Honduras are ri’ jun chomanik xb’antajik, maltyox b’a’ che ri keta’mab’alil ri q’atb’altzij pa we amaq’ tinamit la’, are kiq’alajisam ruk’ uchak patan ri Fuerza rech Tarea Maya Chortí ri’” xcha’.

Swiffy Output
COMPARTIR