Eri Taqawokajnel kak’oji pa le riqb’al ib’ chi rij ya’olchajinik pa Colombia

323

Eri ub’ik ri’ are uwach ya’ol uchuq’ab’ ri ya’olchajinik winaqil ri’, eri taqawokajnel rech Gobernación, Francisco Rivas Lara, kak’oji na pa le riqb’al ib’ kech Taqawokajnelab’ rech Ajchajil Amaq’ xuquje’ ri rech Ya’olchajinik ri’, ub’i’ Colombia-Triángulo Norte, ri kab’an ri’ pa le 24 xuquje’ pa le 25 q’ij rech ik’ Junio pa Cartagena rech Indias ri’.

Pa le molinem chomanik xuquje’ kek’oji ri k’amal b’e rech Honduras, rech El Salvador, xuquje’ rech Estados Unidos xuquje’ are rech kakichomaj kakub’isaj kajuch’ uwach ri chomanik rech ya’olchajinik rech yab’al tob’anik rech keq’atexik ri nuk’wokaj k’ayin awan kunab’al ruk’ le b’anoj k’ax kamisanik pa taq le tinamit ri’, xuquje’ rech kab’an uch’ob’ik pa komonb’alil chi rij le b’anoj k’ax katajin pa taq le molaj tinamit ri’ xuquje’ are rech b’a’ karaqataj ri utz taq chokonsab’al kakojik pa le yab’al uchuq’ab’ ri chakunem pa komonb’alil ri katajin ukojik pa le uch’ob’ik ri ub’anikil taq ri k’ax tajin kuya’o ri k’ayin awan kunab’al ri’ xuquje’ ruk’ ub’anikil taq ri nuk’wokaj kamsanem ri’ ri sib’alaj k’axk’olil kuya’ pa taq le tinamit ri’.

Eri nik’aj riqb’al ib’ ri’ are k’amom ub’e rumal ri Colombia k’a pa le 2012, are chi’ xmajtaj ri chomanik kumal rech xkub’isaxik ri nab’e uwach taq chomanik xb’anik pa komonb’alil ri’ chi rij ri ub’anikil sak’ajil ya’olchajinik ri’ rech kiq’atexik ri nuk’wokaj kamsanem pa taq tinamit ri’ rech Centroamérica xuquje’ rech ri Caribe ri’.

Are ub’anikil uwach ri cholb’al chomanik ri’ xuquje’ chomatal chik kek’oji chi’, ri k’amal b’e rech Cotecmar, are wokajil rech ri Grupo Social xuquje’ Empresarial rech ri wokajil Ajchajil Amaq’il (GSED), rech yab’al reta’maxik nikpa’ kekowin kakichakuj pa le yakonik ri’ xuquje’ rech kesuk’umaxik ri molaj jukub’ rech k’o tob’chakub’al kakoj chupam taq ri’ are rech kekowinik kechakunik ri jukub’ erelb’al puwi’ plow taq ja’ ri’.

COMPARTIR