Eri Taqawokajnel rech Ya’olchajinik pa Amaq’il, Francisco Rivas Lara, xk’ob’ pa le molin ib’ xb’an pa raqan nima ja rech ri Nim Rachoch Amaq’ Tinamit ri’ rachib’il ri Nima K’amal b’e Amaq’ Jimmy Morales rachi’l ri K’amal b’e rech ri TGW, ri q’axaltzij pa Tinamit ri’, Claudio Álvarez rech xkik’utu xuquje’ rech xumaj chik uchak upatan ri q’axaltzij ri’ oksam ri’ pa le 1930.

 “Eri q’axaltzij pa tinamit ri’ are nim upatanil pa le q’axaltzij pa ronojel tinamit ri’ xuquje’ are wa’ kamik k’ak’ chik uwach ri tajin kuq’axab’ej utzijoxik ri’ xuquje’ rumal ri’ eri uj ajpatanelab’ pa tinamit ri’ sib’alaj kujki’kotik kaqilo rumal k’o chik k’ak’ uwach uchak patan ri’, eri k’ak’ ilob’al rech ri’ are wa’ kub’an chaqe rech kaqaya’o ronojel uwach tob’anik chi ke ri’ xuquje’ rumal ri’ keqaki’kotirsaj rumal wa’ jun k’ak’ ukojik chik ri’” xcha’ ri Rivas Lara.

Pa le k’ak’ tob’al rech ri’ are rech katotaj ri’ kumal ri e ajtol rech, chi’ k’ut ketotaj ri’ ri aje’lalnelchak ri’, xuquje’ eri ukojik chik k’ak’ cholb’al q’axb’al Q’ojom Chapinlandia ri k’amatil ub’e rumal ri ajtij ch’a’winel, ub’i’ Adolfo Méndez Zepeda, xcha’ ri Nim Uk’amal b’e rech ri’.

Xuquje’ xuya’ ub’ixik, che we jun k’ak’ q’axb’al chi ke ri e ajtotab’inel rech, ya’tal ri’ kakitotab’ej ronojel q’ij pa taq le uwachwuj pa kemamtzij ri’, pa Facebook, pa OyentesTGW, pa twiter @radioTGW, rumal Instagram pa RADIOTGW, pa usuk’al ri pbx 23238282.

Ya’talil nim tob’anik chi rij ri’

Rumal ri’ eri Nima K’amal b’e pa Amaq’, xubij che we “Kamik ri’ eri katotaj wi’ 107.3 sib’alaj xk’extaj uwach pa le ub’ixik ub’anikil ri’, pa yab’al tijonem xuquje’ pa le uk’usaxik kuwach ri winaqil tinamit ri’.

Kink’am uq’ab’il chi kuwach tinamit ri’ ri tijob’al chuq’ab’ chak ri’ b’anom chi rij xaq pa keb’ oxib’ q’ij ri’, tajin k’ut ub’anik utz che ri chokonsab’al ri’ ri sachom kanoq uwach ri’ ri are ri’ no’jimal kuya’ chik uk’aslemal ri radio Nacional pa we amaq’ ri’”.

Katajin uchomaxik rech k’o ya’talil chajinik ri ajq’atol tzij ri’

Katajin k’ut uchomaxik rech k’o ya’olchajinik che ri q’atol tzij Miguel Ángel Galvez ri’, chi rij ri’ eri Ministro xuya’ ub’ixik che “Pa le q’ij lunes kanoq aretaq xaqeta’maj ri tzijol xutaq ub’ixik rumal ri K’amal b’e rech ri PNC ri’ rech kujch’a’w ruk’ ri Organismo Judicial, rech kaqachomaj pa komon ri ya’olchajinik che ri ajq’atol tzij Galvez ri’. Rumal qeta’m che are loq’ suk’alaj achi, nim uwoq’ij, man kuxe’j ta rib’, ch’ajch’oj uwach uno’jib’al pa uk’aslemal ri’ pa unimaxik uwach ri uchak patan ri’ rumal ri’ eri uj ajpatanelab’ ujtoq’itil ri’ rech kaqato’o ri’ xuquje’ rech man kuraq ta k’ax man k’ot kib’anoj k’ax chi re ri’”, xcha’ ri Rivas Lara.

Swiffy Output
COMPARTIR