Aretaq xk’is el cholb’inem pa le uq’ij rech xtzaq’atisaj B’ELEJLAJUJ UJUNAB’ ri Wokajil Ajchajil Tinamit, eri Ministero rech Gobernación Francisco Rivas Lara, ruk’ ri Viceministros xuquje’ ruk’ ri K’amal b’e rech Wokajil Tinamit Nery Ramos Ramos, xq’axaj utzij chi ke ri eqa’lenelab’ juntir rech xumaltyoxij ri katob’anik xuquje’ ri tijob’al chuq’ab’ chak kakib’an ronojel taq q’ij ri’ pa le kiq’atexik ri nik’aj elaq’omab’ ri’ xuquje’ rech ya’olchajinik chi ke ri winaq tinamit ri’.

Pa le utzij xq’axaj ub’ixik ri Ministro ri’ xub’ij che tzij b’a’ k’o jun tijob’al chuq’ab’ chak b’anom pa taq le junab’ xuquje’ xuk’utu che k’o nim ki’kotem kuna’o rumal utz kurilo ri chak patan kib’anom le wokajil ajchaji tinamit ri’, are ri’ kaq’aljinik ruk’ xq’atataj loq uchuq’ob’il ri b’anoj k’ax ri’.

 “Kamik ri’ katz’aqat b’elejlajuj ujunab’ k’asal chik le wokajil ajchajil tinamit ri’ ruk’ jun k’ak’ b’anikil ya’olchajinik chi ke ri winaq tinamit ri’ xuquje’ are wari’ rajawaxik kach’ob’ik uq’ab’il kipatan le e ajno’jchakunel ruk’ le chakub’al kikojom pa le chak patan ri’, b’it k’ut kiya’om kib’ pa le juntir le chak ri’ man k’ot ri’ utzilem kab’antaj ri’ rumal ri PNC.

Eri taqawokajnel ri’ xub’i che jasche le ub’antajil le yab’al ki’kotirsab’al ri’ xya’tajik are xa’rumal b’a’ rumal le utzalaj chak patan b’anom chik pa le waqib’ ik’ patanem ri’, chi’ k’u ri’ kaya’ pa utzijol ri 130 kamisanik ri xq’atataj na kojpa’ ri xk’ulmataj pa junab’ir kanoq, e pa ik’ junio man k’ot chik b’anoj k’ax xk’ulmatajik che ri pa kajlajuj junab’ ri’ xuquje’ pa le 28 rech ik’ junio pa we q’ij ri’ man k’ot b’a’ jun winaq xkamisax ri’ chi’ pa nimatinamit.

Eri utz chak patan b’anom ri’ kumal ri wokajil ajchajil tinamit are le ya’olchajinik xkib’ano xa’rumal ri’ eri rajilab’al xqaj loq pa 13.72 che ri jujun taq 100 mil chi winaqil ri’ xuquje’ je ri’ xqaj loq uchuq’ab’ ri b’anoj k’ax ri’.

 “Kojtajin k’ut che uch’ob’ik che are nimalaj tijob’al k’ax le kab’an pa le jun eqa’lenem chak ri’ kumal konojel rajchak ri Ministerio rech Gobernación xuquje’ rumal ri Wokajil Ajchajil Tinamit ri’”, xcha’le taqawokajnel ri’.

Eri K’amal b’e rech ri Wokajil Ajchajin Tinamit, Nery Ramos xub’ij che are wa’ jun loq’ob’al chuwe in rumal kink’am kib’e ri jun wokajil achijab’ kuk’ ri ixoqib’ ri’ ri man kakixe’j ta kib’ kiya’om kanima’ pa le chak patan ketajin wi pa le Wokajil Ajchajil Tinamit ri’, ri are wari’ kuya’o kub’sib’al k’u’x joremal jikomal ruk’ la ya’olchajinik pa tinamit ri’.

 “Eri uwokik we joremal ri’ are wari’ jun k’axchak rech pa keb’ q’ij, are wari’ jun k’axchak ya’om pa keqale’n ri achijab’ e ixoqib’ ri’, le man kakixe’j ta kib’ kik’amom uq’ab’il we chak patan ri’, ruk’ jun nim no’jb’anem chakunik ri’, ri are wari’ kuya’o jun nimalaj utzilem chi ke e 16 millones chi winaqil e aj iximulew ri’ xuquje’ are wokajil ri’ ri xutz’aqatisaj b’elejlajuj ujunab’ ri’”, xcha’ ri Ramos.

COMPARTIR