Eri Ministro Rivas qas xya’ b’a’ ub’ixik che xek’exik ri q’atb’altzij rech ri Wokajil Japache’ ri’

345

Eri Ministro rech Gobernación Francisco Rivas Lara, xuya’ ub’ixik che rumal ri jun b’anow k’aqanik ri’ pa le Granja Penal Pavón, pa lunes kan 18 rech ik’ julio, chi’ k’ut xekam wiri’ e kajlajuj winaqil, eri jun chi ke xkam chi’ are ri’ a Byron Lima Oliva k’o jun nim tzukunik xb’an chi rij chi’ xuquje’ rumal ri xk’ulmataj chi’ xe’esaxik ri q’atb’altzij rech ri Wokajil Japache’ ri’.

Xuquje’ xya’ ub’ixik che xesax che reqale’n ri K’amal b’e Carlos de León Zea, ri Subdirectora Ninfa Gómez xuquje’ ri Norberto de Jesús Ortega Barco, eqa’lenel rech japache’ ri’ ri k’o ri’ che K’amal b’e pa le q’ij aretäq xk’ulmataj jun b’anow k’ax chi’.

Eri minitro Rivas xutzijoj che eri xek’ex chi’ are xa’rumal sacham kan uwach ri wokajil japache’ ri’ are b’antajinaq chik 50 junab’ ri’ xuquje’ are rech kak’ulmataj ta chik b’anow k’ax ri’ rumal ri’ are rajawaxik Kajelik Ub’anikil Q’atb’altzij pa we Wokajil Japache’ ri’, are rajawaxik kachb’ilaxik ruk’ jun kow chomab’al tinamit ri’.

 “Qas k’o b’a’ pa saq chuwe in che ri chakunem pa le Wokajil Japache’ ri’ are ri’ jun nimalaj tijob’al chuq’ab’ chak patan pa le taqawokajnem Ya’olchajinik pa Amaq’ ri’ emu wari’ qas kinch’ob’ in are rajawaxik kasuk’umax ri’. Kujkowin b’a’ kaqasuk’umaj ri jun ma utz ta chik japache’ ri’, chi’ k’ut kab’an wi k’ax che ri loq’ ya’talil winaqil ri’ xuquje’ are wa’ usok b’anow k’ax kamisanik ri’; rumal ri’ rajawaxik kak’ex ub’antajil we wokajilal ri’, rech ketijox pa jumul chik, rech katak’ab’ax pa jumul chik ri’ xuquje’ chi’ kakub’isax pa jumul chik kuwach ri tinamit winaqil pa Iximulew ri’ che ri ajpache’ ri’ are kb’an utz che ub’antajil rech katzalij chik kuk’ ri uwinaqil tinamit ri’.

Eri taqawokajnel ri’ xuk’iso ub’ixik che we jun q’axnik ub’inisaxik ri’ naj q’ij kumaj b’ik ri’, are man kab’antaj taj ujalik uwach pa waqib’ ik’ tane’ emu wari’ katajin b’a’ ub’anik nab’e täq chomanik chi rij ri’.

COMPARTIR