Eri Ministro Rivas xjuch’ uwach le nuk’chomab’al rech ketijob’exik e k’i ajk’amow b’e pa taq le chak patan ri’

178

Eri Ministro rech Gobernación Francisco Rivas Lara xjuch’ uwach jun nuk’chomanik ruk’ ri Asociación Guatemala Próspera rech ketijoxik konojel ri e ajchak rech ri taqawokajil ri’ xuquje’ kuk’ ri e rech taq uq’ab’il ri’, pa le upatanixik ri jun cholb’al chak chi rij taq b’antajil xuquje’ no’jk’aslemal che ri kuya’o jun tijob’enik chi ke taq ri e ajchak e ajk’amal b’e ri’.

Eri ministro Rivas Lara, xuya’ ub’ixik che we jun nuk’chomanem ri’ k’o jun kupatanij ri’ pa le b’anow taqaneik xuquje’ pa le ilonb’al chak pa le taqawokajnem ri’, rumal are rech jun b’anow tijob’enik ri’.

“Ruk’ le jun juch’ub’al uwach ri jun nuk’chomanem ri’ konojel ri e ajchak rech ri Ministerio rech Gobernación ri’ ketijob’exik ri’ xuquje’ kek’uttijoxik ri’, are rech b’a’ kataqix uchakuxik ri jun k’amow b’e che k’o pa saqil ri’, are rech b’a’ eri b’anow chak patan pa tinamit chi ke ri winaqilal are k’o pa ujikomal ub’antajil ri’ ruk’ kib’anikil xuquje’ k’o uloq’ob’al kino’jk’aslemal ri winaqilal pa taq kik’aslemal xuquje’ kiq’ijb’alil ri’”, xcha’ ri Ministro Rivas.

Eri tikol rech ri Guatemala Próspera, Manuel Espina, xuya’ ub’ixik che pa le uchak patanil we jun nuk’chomanik ri’ xya’taj pa uq’ijol uya’ik ri eqle’nemtzij rech tob’anik man tojom taj k’ot rajil ri’ pa le katijob’exik konojel ri e ajchak rech we taqawokajnem ri’. Are wa’ jun nim tijonem che ri kachakuxik ri’ pa le upatanixik ri jun cholb’al chak rech ri Ajyakonel John Marxwell, chi’ k’ut ri’ pa le reta’maxik uk’amik uq’ab’il uk’u’xal k’aslemal xuquje’ q’ijolal pa le jalb’anem no’jk’aslemal ri’.

“Are katij raq’ansaxik uloq’oxik ri uchuq’ab’il ri e ajchak pa le nuk’wokajil ri’ jeri’ kaqachomaj uj pa le Ministerio rech Gobernación, xa’rumal ronojel ka’alax uwach pa le k’amow b’e ri’ xuquje’ are kaqakajmaj uj pa le uchak patan ri Ministro Rivas, xuquje’ are wari’ kaqamaltyoxij pa le ub’e jaqom ri’ rech are kakoj juntir ri chakub’alil che ri’ pa jujun taq wokajil che ri e ajtob’anel che ri’”, xcha’ ri Espina.

Eri Ministro Rivas sib’alaj uterenb’em katijob’exik ri e ajchak ri’ xa’rumal are wa’ qas k’o nim upatan pa le kak’iyemalil ri jujun taq winaq ri’ xuquje’ rech k’o nim kichuq’ab’ rech kekowinik pa le kichak kipatan ri’ pa le kanimaxik kipatanixik ri winaq tinamit e aj iximulew ri’ xuquje’ rech are pa jikomal kusolkopij rib’ pa le kib’antajil ri’ are wari’ qas utaqim uwach ri Gobernación ri’.

Eri tijob’enem ri’ are kanajtib’ 16 uwach wuqq’ij ri’ xuquje’ eri ajkojol rech kub’ij che are k’o k’i uwach taq k’exnem kiya’o chi ke taq ri winaq ri’ che ri kek’amow rech, jacha’ pa taq le uwach poq’san chakunem ri’ are kaq’an pa jun 33% pa jun 80%, are kub’an utz che ri b’anow chak pa komon ri’ xuquje’ pa le uk’iyirem taq ri k’amow b’e che taq ri winaq ri’.

Eri Guatemal Próspera are jun wokajil xkoj ri’ pa le junab’ 2003, che man tojom taj man k’ot rajil kachakun pa le jalb’anem no’jk’aslemal ri’. We kamik ri’ e k’o ri’ 217 mil chi winaqil kesam chik ri jun retal tijob’en ib’ ri’ ub’i’ “Ri Jalb’anem k’o pa wanima’ in rech ri ajtoq’inel John Marxwell.

COMPARTIR