Eri Taqawokajnel rech Gobernación Francisco Rivas Lara xuya’ ub’ixik che k’o ronojel uwach tob’anik ya’olchajinik che ri Nim K’amal b’e rech Q’atb’altzij ri’ Thelma Aldana rech k’o chajinik che xuquje’ rech utz unimaxik ri uchak patan kub’an pa we amaq’ ri’.

Eri Rivas Lara xub’ij che ronojel uwach tob’anem ya’olchajinik kuya’ che ri fiscal General xuquje’ ch eri Comisionado Velásquez xuquje’ xutaq ub’ixik utzij chi ke ri molaj b’anol k’ax, che k’a pe Ministerio rech Gobernación kaya’taj wiri’ pa komonb’al ya’olchajinik ya’tal chi ke ri nima’q q’atanel ri’.

Eri ministro Rivas, xuya’ ub’ixik che reta’mim chik che k’o nik’aj b’anol k’ax kikaj kakib’an k’ax che ri Fiscal General ri’, rumal ri’ xumaj jun nim tzukunik chi kij ri kuya’ ub’ixik ri’ pa keb’ oxib’ q’ij ri ktzukutaj uwach ri’, xub’ij chik eri nik’aj choman b’anoj k’ax ri’ qaraj kumal ri e k’o pa q’atoj tzij ri’ we kamik rumal ri Ministerio Público (MP).

 “K’a pa le nab’e q’ij ri’ xaqeta’maj kab’an nik’aj b’anoj k’ax ri’ pa aninaqil xaqachomaj pa komon ruk’ ri Fiscal General xuquje’ ri Comisionado Internacional rech uq’atexi ri Impunidad chi’ pa Iximulew (CICIG), Iván Velásquez rech xaqachomaj jun nuk’wokaj rech ya’olchajinik che ri nan q’atol tzij ri’ xuquje’ che ri rachalal juntir”, xcha’.

K’o k’ak’ uk’exel k’amal b’e xkoj pa RENAP

Eri Ministro Rivas, xuya’ ub’ixik aretaq xchapataj ri a Rudy Gallardo, xesax juntir pa le chak patan ri’ rumal le q’atoj tzij katajin wi. Pa le wokajil k’ut are xoksaxik ri Ingeniera Brenda Gramajo rech kunimaj ri chak patan che k’amal b’e pa le RENAP ri’.

Ri ub’antajil ri japache’ k’o pa Matamoros ri’

Aretaq xpuksaxik ri japache’ k’o pa Matamoros xya’kataj pa jumul chik rech ya’tal chik kakojik, je ri’ xuya’ ub’ixik ri ministro Rivas, ri xuya’ ub’ixik che xya’taj ub’ixik che ri q’atol tzij Miguel Ángel Gálvez rech kumaj chik kumaj chik kitaqik ri e ajpache’ chi’.

Swiffy Output
COMPARTIR