Sib’alaj katajin b’a’ usolixik uwach ri tzukunem ya’olchajinik ri’ rech kechapik e jok’al chi b’anol k’ax elaq’omab’ ri sib’alaj ketajin che b’anow k’ax kamisanik xuquje’ toq’inik pwaq ri’ pa le b’anow tzukunik ri’ eri Ministro rech Gobernación, Francisco Rivas Lara katajin che urilik usolixik ri’ pa tinamit Mixco.

 “Are wari’ taqim roqtaxik rumal ri Wokajil Q’atb’altzij ri’ emu wari’ qas katajin koqtaxik kiq’atexik rumal ri Ministerio rech Gobernación xuquje’ rumal le Wokajil Ajchajil Tinamit ri’ pa le ukojik uk’utik jun utzalaj b’anoj q’atenik ri’ rech kiq’atexik ri nik’aj b’anol k’ax e ajtoq’il pwaq ri’ ruk’ wa’ k’o nima k’ax tajin kakib’an pa we tinamit Iximulew ri’”, xcha’ ri Ministro.

Xub’ij che e k’o nik’aj b’anol k’ax xch’ob’otaj kuwach ri’ ri ketajin k’ut b’anow elaq’ toq’inik pwaq ri’ ri e taqim kichapik kumal e 1500 eqa’lenelab’ chajinik rech ri PNC ri kito’m kib’ ruk’ taq auto patrullas, keb’ helicópteros, kuk’ le tz’i’ K9 are rech ketajin pa 72 uwach kitzukuxik nik’aj b’anol k’ax pa le Taq’ajil Juyub’ Tinamit ri’.

Eri Rivas Lara xuk’is ub’ixik che k’o chik pa saq le k’olib’alil keya’ wi ri winaq e ajpache’ ri’.

We kamik ri’ k’o chik e 65 chi winaq e chapom chik rech ri Barrio 18 je ri’ e k’o uwinaqil ri Mara Salvatrucha e chapom chik ri’ xuquje’ eri b’anow tzukunik uq’alajisam chik che k’ keb’ nim q’inomal pwaq pa Iximulew, kimolom chik pa le b’anoj k’ax ri’.

COMPARTIR