Eri Ministro kub’an b’enam pa Washington rech kuya’ utzijoxik chi la’ ri ub’anikil ya’olchajinik ri’

138

Eri Ministro rech Gobernación, Francisco Rivas Lara, pa martes ri’ kab’e na pa Washington, Estados Unidos, rech kuya’ jun nim utzijoxik ri ub’anikil ya’olchajinik katajin ub’anik chi’, ri katajin pa le uq’atan chak ri’, pa taq le riqb’al ib’ chomanik chi kuwach ri loq’olaj taq Cancilleres kuk’ ri Ministros rech ri Triángulo Norte xuquje’ kuk’ ri q’atb’altzij rech norteamericanas.

Eri Rivas Lara xuya’ ub’ixik ucholaj che kaya’ utzijoxik ri chakum chik uwach pa le q’atexik b’anol k’ax pa taq le nimatinamit e k’oj naj, xuquje’ ri chak rech ya’olchajinik kab’an pa jun chik junab’ petinaq, xuquje’ ri chomam chik kab’an le nima riqb’al ib’ rech ri Alianza rech ri Prosperidad ri’.

Eri taqawokajnel rech Gobernación kachb’ilax b’ik rumal ri Ministro rech Relaciones Exteriores, Carlos Raúl Morales, ri xuya’ ub’ixik che we riqb’al taq ib’ ri’ are uwach ri komon chomanik ruk’ ri Estados Unidos xuquje’ chi rij ri ya’olchajinik kab’an chi rij ri kiq’axnik winaqil pa we amaq’ ri’.

 “Eri Ministros rech Gobernación xuquje’ rech Ya’olchajinik pa Tinamit, e are jun keb’e pa le riqb’al ib’ ri’, rumal k’o k’i ri keb’e che ub’ixik chi’ chi rij ri utzalaj chakunem ketajin che ub’anik pa komonb’al rech ya’olchajinik pa tinamit ri’” xcha’ ri loq’olaj Canciller ri’.

Ketajin che chomanik

Eri chomanik chi rij uyakik ri rachoch japache’ pa Villa Nueva, eri Rivas Lara, xuya’ ub’ixik che k’o chomanik katajin chi rij ri’ kuk’ ri winaqil e aj chi la’ rech kilik jas ub’anik kachomatajik ri kitam ri komon chi’ xuquje’ rumal k’u ri’ pa le 25 rech octubre ri’ chomam chik rech kab’an jun riqb’al ruk’ ri ajkalte rech pa uq’ab’tinamit chi’.

 “Xaqakoj qib’ pa chak patan ruk’ le tinamit rech Villa Nueva rech kab’an chomanik ri’ xuquje’ rech kaqatzukuj uyakik jun nim etz’anib’alil rech ke’etz’en chi’ ri alab’om alitom ri’” xcha’.

Xuquje’ xub’ij che kuya’o ub’ixik ub’anikil uwach ri ya’olchajinik chi rij kiq’axnik winaq pa we amaq’ ri’, rumal ri’ sib’alaj xkojik nim ya’olchajinik cho taq k’ulb’a’t juyub’ pa taq amaq’ib’, ruk’ ri El Salvador xuquje’ Honduras, ruk’ ri cholchak ri’ xb’antaj kowinem xeraqik e keb’ mil winaqil kepe pa jalajoj taq amaq’ tinamit, ri ma saq ta ki’okik chi’ pa Iximulew ri’.

 

Swiffy Output
COMPARTIR