Aretaq xb’antaj ri solinem pa taq wokajilal ri’ chi’ k’u ri’ xb’antaj k’i tzukunem pa zona 18, eri Ministro rech Gobernación, Francisco Rivas Lara, xub’ij che ri ya’olchajinik ri’ ub’i’ “Guatemala are Qech”, eri xb’antajik ri’ are uwachinem le chak xb’an pa k’i taq ik’ kanoq xuquje’ are ri’ ri keb’ uwach b’anow tzukunik chi rij ri keb’ nuk’wokaj b’anol k’ax ri’, eri Barrio 18 xuquje’ chi rij ri Mara Salvatrucha.

Eri nik’aj b’anol k’ax ri’ e are k’ut tajin xkib’an elaq’nik toq’inik pwaq ruk’ nik’aj chik b’anow k’ax, kojpa’ b’anow kamisanik, b’anow xib’inik, b’anow k’ax toq’inik pwaq chi ke ri wokajil ch’ich’ erelwinaq ri’, xcha’ ri Ministro.

Pa taq lajuj panik’aj rajilab’al kajb’al rech pa saqarib’al ri’, are chi’ chi jujunal xe’oksax ri xechapataj ri’ xopan chi’ eri K’amal b’e Amaq’ Jimmy Morales aretaq xmolin ruk’ ri Ministro, kuk’ ri ajtaqanel rech ri MP, xuquje’ kuk’ ri K’amal b’e rech ri Wokajil Ajchajil Tinamit ri’, rech xe’opan che rilik ri xupatanij ri ya’olchajinik ri’, chi’ k’u ri’ xrechb’ej xuya’ rutzil kwuach xuquje’ rech xumaltyoxij ri chak patan xb’antaj kumal pa kiwokajil ri Ajchajinelab’ kuk’ ri Q’atol tzij ri’ pa Centro Rech Administración rech Justicia kojom chi la’ pa le Salón Social rech ri PNC, ri k’o pa zona 6 ri’.

 “Eri Ministerio rech Gobernación, pa le upatanil ri Wokajil AJchajil Tinamit ri’, xkikoj le nim kichuq’ab’, kajchak,   kichakub’al rech ya’olchajinem tzukunbik rech sib’alaj utz le xkib’an ri’, rumal ri’ e k’o oxib’ mil eqa’lenelab’ xkitaq pa le b’anow tzukunem ya’olchajinik ri’, are wa’ ri’ xuya’ jun nim uchuq’ab’ ri 180 chi tzukunik xb’antaj kuaml pa we kamik ri’ are rech e k’i winaq b’anol k’ax xechap kumal ri’, rumal k’ut eri nik’aj winaq b’anol k’ax ri’ k’o k’i toq’inik pwaq elaq’nik xkib’an k’ut xuquje’ e k’o k’i chi winaqil e aj iximulew xkikamisaj xkib’an k’ax chi ke ri’.

Xuquje’ eri Ministro sib’alaj xuya’ ub’ixik le nim chak katajin pa le uwokajil ri CAJ ri’, are ya’talil ub’ixik pa taq le q’axaltzij pa tzijolinem ri’, xa’rumal are ri’ jun ajq’axal rech ri tzijolinem kuk’ ri winaqil tinamit e aj iximulew ri’ rech k’o kuq’axaj ub’ixik chi ke ri’ xuquje’ rech kuya’ ub’ixik ri chak chomanik katajin ri’.

Pa k’isb’al rech eri Ministro xub’ij che ri winaq xechapatajik ri’ kab’ixik e uwinaqil ri nuk’wokaj b’anow k’ax kamisanik ri’ e are k’ut ri tajin xkib’an toq’in pwaq elaq’nik ri’, pa k’iyalaj taq junab’ jeri’ itzel ri xkib’ano xuquje’ are wa’ we kamik katajin kiq’atexik ri’ are rech b’a’ man k’ot chik b’anow k’ax kakib’an tane’ chik chi ke ri winaq tinamit e aj iximulew ri’, ri k’o nim rajawaxik ya’talil jorob’anem xuquje’ jikomal chi ke ri’ xuquje’ are wa’ ri tajin kakichomaj ri uya’ik kumal q’atb’altzij ri’.