Eri Taqawokajnel xmolin kuk’ ri q’atb’altzij rech ri Unión Europea

114

Pa le kib’ik pa le Reino rech Bélgica xuquje’ pa le Unión Europea, eri taqawokajnelab’ rech Relaciones Exteriores, Carlos Raúl Morales; rech Gobernación, Francisco Rivas xuquje’ rech Chakunem ri’, Leticia Teleguario, xemolin ri’ kuk’ taq ri q’atb’alttzij europeas rech pa le uya’ik uchuq’ab’ chi rij ri chomanik rech ya’olchajinik, rech k’iyemal xuquje’ rech nimatob’anik ri’.

Eri Taqawokajnelab’ xkimol kib’ ruk’ ri K’amal b’e rech ri Cooperación Internacional xuquje’ K’iyemal rech ri Comisión Europea, Stefano Manservisi, ri ruk’ xemolin wi chi rij ri Programa Indicativo Multianual rech Iximulew 2014-2020, ri uk’amom ri chomanik chi rij ri ya’b’al tob’anik chi rij ya’olchajinik xuquje’ ri suk’umalil ri’, chi rij ri k’iyemal meb’il pwaqilem ri’, ri kub’sib’al k’u’x rech rikilem ri’, jeri’ chi rij taq nik’aj cholchak rech ya’b’al tob’anem rumal ri Unión Europea pa Iximulew ri’.

Xuquje’, xemolinik ruk’ ri Nimak’amal b’e ri’ rech chi rij taq ri Ya’talil Winaqil rech ri Unión Europea, Stavros Lambrinidis, ri xuya’ ub’ixik che chi rij taq ri chakum chik chi’ pa Iximulew ri’, chi rij taq, ri ya’b’al ilonem tob’anik chi ke ri ajtob’anelab’ rech ri ya’talil winaqil, ri winaqilal e ajtoq’inelab’ xuquje’ ri e ajtzijolinelab’ ri’, rumal ri Ministerio rech Gobernación xuquje’ chi rij ri ch’a’wb’alil rech ya’b’al ub’ixik ri k’ax kilotajil kumal ri e ajtoq’inelab’, ri chakum ri’ rumal ri Ministerio rech Chakunem.

Eri jun chi uwach ri molinik ri’ are ri xchomax ruk’ ri Comisaría rech Comercio rech ri Unión Europea, Ana Cecelia Malmstrom, ri xchomax wi chi rij uya’ik uchuq’ab’ ri tzijob’enik taq xuquje’ ri k’amow ib’ taq ruk’ taq ri b’anow k’ayinem chuxo’l Iximulew ruk’ ri Unión Europea.

Eri jun chik nim ajpatan rech ri Unión rech Asuntos Exteriores xuquje’ rech Chomab’al rech Ya’olchajinik xemolin kuk’ ri e oxib’ ministros are le Federica Mogherini. Eri nan taqawokajnel ri’ xuya’ k’ut jun nim rutzil juwach chi ke ri’, xuquje’ xechb’exik kumal ri e ajpatanelab’ e aj iximulew rech xkiya’ ub’ixik ri qas tajin xchakux uwach pa le ilonb’al chak ri’, jacha’ ri kachakuxik pa taq le taqawokajnem ri’.

Xuquje’ xkitzijoj ri ub’eyal chak patan rumal ri Taqawokaj ri’ xuquje’ ri b’antajel rech tob’anik pa we amaq’ ri’ rumal ri Unión Europea xuquje’ xuya’ ub’ixik che tajin rilik rech kaya’ uchuq’ab’ ri b’anow chomanik chi kuwach ri EU- CELAC, are rech b’a’ kemolin chik pa le jun nimalaj riqb’al ib’ kab’an pa octubre rech 2017.

Eri ministros pa le kipetib’alil ri’, xuquje’ xemolin kuk’ ri k’amal b’e rech ri Komon taq Nimatinamit rech ri Parlamento Europeo xuquje’ kuk’ ri Embajadores latinoamericanos che ri e k’o chuwach ri Unión Europea, rech kakiya’ loq ub’ixik ub’eyal kichak patan ri’ xuquje’ che ri qas kupatanij na ri Taqawokaj pa Amaq’ ri’, chi rij juntir ri chakum chik k’a pa we kamik ri’, jacha’ ri ch’ob’otal chak che ri kakipatanij na chuwe’q kab’ij pa komonb’alil ri’.

Eri Eurodiputados xuquje’ ri k’amal b’e rech taq Taqawokaj rech Amaq’ib’ xkimaltyoxij xuquje’ xkiya’ ub’ixik che ki’kotem chi ke kujaq utzij ri’ rumal ri Wokom Patanelab’ pa Iximulew ri’ xuquje’ xkijit ub’ixik che are ketajin che rilik rech ketob’an na ruk’ uya’ik uchuq’ab’ ri chak patan pa taqawokajil pa Iximulew ri’.

Eri tzijol ri’ are xya’taj ub’ixik rumal ri Ministerio rech Relaciones Exteriores ri’.

COMPARTIR