Ri K’ak’ Ub’anikil Taqanik pa Japache’ k’o nim suk’umalil kub’an ri’

370

Aretaq xb’antaj pa keb’ q’ij pa Iximulew ri’, eri UWAQXAQ Foro Internacional rech Ajno’jinelab’ pa Japache’, are wa’ pa nab’e mul xb’antajik pa we amaq’ ri’, eri viceministro rech ya’olchajinik rech Gobernación, Ricardo Guzmán, ruk’ ri Roberto Santana, k’amal b’e rch ri Academia Regional Penitenciaria; xuquje’ ri Elías Carranza k’amal b’e rech ri Instituto Latinoamericano rech ri Naciones Unidas rech ri q’atel b’anow k’ax ruk’ ri elaq’omab’ kamisanel ri’ (ILANUD),  xkik’is ri k’ak’ ub’anikil patanij pa japache’ ri’ rech kakisuk’umaj na ri winaqil xuquje’ rech kakitzalij ri winaqib’ ri’ pa taq kachoch ri’.

Eri viceministro Guzmán, xub’ij che ke’achb’ilaxik kumal jun molaj winaqixel che ri eta’mim kuwach ri’ pa le tinamit pa Iximulew ri’.

“Eri jun k’ak’ ub’anikil patanil pa le Wokajil Japache’ ri’ are k’axtil uwach xuquje’ rech kub’an suk’umanem, rech uq’atexik b’anow k’ax che ri ya’talil chi ke ri winaqilal k’a keb’el loq chi saq che ri japache’ ri’ xa’rumal k’ut chi’ are kojom che reta’maxik b’anow k’ax kamisanik ri’, rumal ri’ eri jun ub’anik ilonem chi ke ri e ajpache’ ri’ aretaq kel b’ik chi saq, e suk’ kakib’an che kib’ ri’, q’alaj che e pixb’am b’ik chi’”, xcha’.

Rumal ri’ eri Santana, xub’ij “rumal ri’eri uj kaqch’ob’o che chi’ are rajawaxik kakoj jun rilik jun utz ub’antajil ri’, rech katerenb’exik uk’exik ub’anik k’ak’ che ri ub’anikil taqanem pa japache’ ri’ kojpa’ b’a’ katajin che ub’anik rumal ri Iximulew ri’, Costa Rica xuquje’ República Dominicana, rech b’a’ je ri’ kab’an pa taq le amaq’ib’ nimatinamit rech kakesaj ri kino’jib’alil le xata’t ri’, rech kesach reqaxik k’aqb’alil k’a pa taq japache’ ri’ rech juntir ri’ kub’an saq uwach kumal ri q’atb’altzij ri’ xuquje’ rech man kab’an ta chik tijob’al reta’amaxik b’anow k’ax chi’ xuquje’ rech man kab’an ta chik tijob’al rech b’anwo k’ax kamisanik ri’”.

Xuquje’ xutzijoj che are nim upatanil rech ri tob’ab’al pa wokajil ri’ kumal kipatanil ri ajno’jinelab’ kuk’ ri taqawokajil ri’, je ri’ pa taqawokaj pa amaq’ rech kak’ex uwach ri ub’anik ri taqanik pa japache’ pa Iximulew ri’.

Xuquje’ eri Santana xkub’isaj ub’ixik ri’, che rajawaxik b’a’ kato’ik uwach ri tijob’al rech ri K’ak’ Ub’anik Taqanem Ilonem pa Japache’ ri k’a te xjaqataj uwach ri’. “rech uya’ik tob’anik che ri ajchak ri’ ri k’a te xetijoxik ri’, xuquje’ rch kakoj nik’aj chik k’ak’ tijob’alil ri’, are rech kuwa’lijsaj ub’anikil che ri Iximulew kumajo ri’ pa le ukojik pa taq le japache’ jun ub’anikil cholchak ri kuwa’lijsaj rib’ ri’”.

Pa k’isb’al rech, eri uwinaqil ri Foro Regional ri’, nimalaj xkiloq’oj uwach ri jun nim q’axnik ri’ che ri xuya’ ri Iximulew ri’ pa le uwokik jun nim wokajil tob’anem pa le wokajil winaqilal ri’ kech ri  e ajpoq’san meb’ilem ri’, ruk’ ri komontyox, ri tijob’alil, ri komon winaqilal rech ke’achb’ilan pa le jun nim k’exnik ri’.

 “Ilom nim loq’ ub’anik che ri wokajil q’axaltzijolinem ri’ rech kakiya’ loq ub’ixik utzijoxik ri’ xuquje’ rech ya’tal ronojel taq tzijob’elil ri rajawaxik chi ke rumal ri taqawokaj ri’, rech kakiya’ utzijoxik che ri tinamit pa Iximulew ri k’iyal chakum chik uwach xuquje’ ri qas ub’anik b’anom chik che ri jun k’ak’ ub’anikil taqanem pa japache’ ri’.  Eri are wa’ sib’alaj k’ax uchomaxik ub’anik jun k’ak’ uwach ub’anikil taqanem ri’ xuquje’ ri k’o e k’i man kikaj ta ri’ uwach ri’, emu wari’ we ri molaj winaq ruk’ ri taqawokaj kakichomaj uk’exik uwach ri japache’ ri’ utz ri’ we jeri’ kakib’an ri’”.

COMPARTIR