Eri Sub Dirección General rech Q’atel B’anow K’ax rech ri Wokajil Ajchajil tinamit (PNC) k’o k’iyalaj taq tijonem pixb’anik xkib’an chi ke ak’alab’ e ajtijoxel rech ri Tijob’alil ub’i’ Ruben Dario, ri karaqataj pa le zona 6 Jocotales, rech xkiya’ ub’ixik che ri ub’anikil jas uq’atexik kab’an ri Bullyng ri’, rech ke’ok ta kuk’ ri molaj b’anol k’ax xuquje’ rech kakitij taj ri q’ab’arsib’al kumb’alil ri’.

Pa taq le k’utb’al winaqilem uwach pa k’amb’al na’oj rumal ri PNC are ri’ ri jun obra rech teatro ub’i’ pa kaxlantzij “El Pastorcito Mentiroso” xuquje’ are wa’ kikojom pa k’utik kumal taq e payas ri’, are rech jun ub’ixik rech uq’atatajik ri b’anow k’ax ri’.

Eri Subdirector General rech Q’atel B’anow K’ax rech ri PNC, José Antonio Tzuban, xub’ij eri utaqib’alil we jun chak patan pa le kpixb’axik ri e ajtijoxel ri’ are rech ke’ok ta pa molaj b’anow k’ax , xuquje’ are kakitij taj ri q’ab’arisb’al kumb’alil ri’ xuquje’ rech pa jikomal uq’atexik ri jun b’anow k’ax ub’i’ Bullyng.

 “Are tajin kaqatzukuj pa ronojel ri’ are rech kaqak’exo kino’jib’al kichomab’alil ri taq ak’alab’ kuk’ ri k’ak’al winaq alab’om alitom ri’ chi rij uchak upatan le jun ajchajil re tinamit ri’ xuquje’ rech uj k’olik rech keqachajij keqato’o, xa’rumal eri taq ak’alab’ k’o tajin kakichomaj pa chuwe’q kab’ij rumal ri’ rajawaxik ke’achb’ilaxik pa pa le tajin kakik’aslemaj ri’ pa tinamit ri’”, xcha’ ri Tzuban.

Xuquje’ xub’ij chik ri k’amal b’e rech ri Tijob’al ub’i’ Lilian de Mota, ri are xub’ij utz b’a’ ri ya’olchajinik b’anom rumal ri PNC are k’u ri’ sib’alaj k’o nim kupatanij chi ke ri taq ak’alab’ ajtijoxel  rech kek’oji pa chomanik kuk’ taq ri q’atb’altzij ri’.

Pa le riqb’al ib’ ri’ qaraj e k’o 800 ak’alab’ e ajtijoxel rech uxe’ majb’al tijonem xuquje’ rech nab’e uwach tijonem ri’.

Rajawaxik k’ut keya’ ta kan kesolixik

Eri Tzuban, xutzijoj che pa we junab’ ri’ qaraj k’o 800 tijob’al kasolim chik xuquje’ e k’o 100 mil chi ajtijoxel k’o pixb’anem xkik’ut chi kwuach ri’ pa we amaq’ tinamit.

Rumal ri’ tajin kakisik’ij kinan kitat ri taq e ajtijoxel rech kakiterenb’ej ri b’anow tijonem rech q’atenik b’anow k’ax xuquje’ rech ri taq ak’alab’ ri’ kakijipij utzijoxik chi ke ri taq kachib’il ri’.

Swiffy Output
COMPARTIR