Xk’utik yach’b’al umopil aqanaj che ri kakoj na chi ke ri e ajpache’ aretaq ke’esax b’ik chi saq ri’

195

Are rech b’a’ man kakititz’o ta chik kib’ pache’ tz’apib’al ri’, eri viceministro administrativo, Mario René Álvarez, xmolin ruk’ ri komon chomanelab’ rech ri b’anow K’ak’ Taqanik pa Q’atb’altzij rech pa Wokajil B’anol Taqanib’al pa we amaq’ ri’ k’o pa reqale’nib’al ri diputado Héctor Lira, ri xk’ut chuwach ri’ ri yach’b’al umopil aqanaj ri’ che ri kakoj chi ke ri e ajpache’ aretaq ketaq cho taq kachoch, ruma ri q’atol tzij ri’.

Eri winaqil e ajpache’ ri’ kakikoj na we jun yach’b’al kech ri’ che ri k’o chik oxk’al kijunab’ ri’, ri e yowab’ chik xuquje’ ri xa’rumal b’anow ch’och kib’anom pa taq kachoch ri’.

Eri Álvarez, xuya’ ub’ixik ucholajil ri’ che pa septiembre petinaq chik kamajtaj ri’ utzukuxik chinaq wokajilal kb’anow jun chokonsab’al ri’, ri rajawaxik kuwok ri’ jun Wokaj Ilob’al rech ri’.

“Are kamajtaj ukojik aretaq xya’taj pa saqil rech kakojik ri Taqanem Telemática, rumal ri’ tijow chuq’ab’ xojchakun chi rij ri’ rech kab’antaj kowinem kakojik we jun loq’ chokonsab’al ri’, are wa’ uwach jun ya’b’al ilonem chajinik chi ke ri winaq e tz’apil pache’ ri’ xuquje’ e are k’ut kab’an utzil chi ke rech kakoj b’ik chi ke aretaq ke’al b’ik ri’”, xcha’ ri Álvarez.

Xuquje’, xuya’ ub’ixik che katajin chik ub’anik ri ub’ixik ub’anikil ub’antajil ri cholchak ri’ rech kab’an reta’nib’al b’anow rech ri taqanik rech ub’anikil chajinik telemático ri’, ri k’o ri’ we kamik pa le Nima Q’atb’altzij pa we amaq’ ri’ rech kataq pa unimaxik uwach ri’.

Rumal ri’, eri Lira, xub’ij che katob’an ri’ ruk’ ri kupatanij chi rij rumal le Ministerio rech Gobernación ri’, rajawaxik k’ut katoq’axik uchomaxik ujamik kuwach pache’ tz’apib’al xuquje’ rech kakojik ri yach’b’al umopil aqanaj ri’ rech ya’olchajinik chi ke ri’.

 

COMPARTIR