Eri e puq ajtijoxel kakib’an cholb’inem, ri e ajxojoj, ri e ajtijoxel rech taq k’i Tijob’al ib’ xuquje’ ri Q’atb’altzij rech Uk’u’x Nimatinamit xkiloq’oj kiq’ij ri Wokajil Ajchajil Tinamit (PNC), pa juwinaq junab’ chik xutz’aqatisaj ri’ chi k’u ri’ xe’opan wi ri eqa’lenelab’ rech ri Fuerzas Especiales, eri nimaq’ij ri’ are xb’an pa le Plaza Italia rech ri Q’atb’altzij ri’. Ri nimaq’ij ri’ are xb’anik rech xpixb’axik kichomab’al ri e ajtijoxel rech taq tijob’el ib’ ri’ chi rij ri kichak patan ri e 37 mil eqa’lenelab’ rech ri PNC ri’.

Pa le nimaq’ij ri’ xtatb’en wi ri viceministro rech Ya’olchajinik Ricardo Guzmán, ri Subdirector General rech Investigación Criminal, Stu Velasco, ri Subdirectora Antinarcótica Yodzaida García; jeri’ ri nab’e Director General rech ri PNC, Ángel Conte Cojulun xuquje’ ri Ajkalte rech nimaq’atb’altzij ri’, Álvaro Arzú.

Eri viceministro Guzmán, xumaltyoxij che ri q’atb’altzij rech uk’u’x nimatinamit Iximulew ri’ ri loq’ uchak patan ub’anom ri wokajil ajchajil tinamit ri’ xuquje’ che ri k’aslemamtzijolil ri’.

Xuquje’ xuya’ ub’ixik jun nim pixb’anik chi ke ri alab’om alitom ri’ che: “Eri Ajchajil Tinamit ri’ are jun loq’ ajchak k’o pa qatinamit ri’ xuquje’ chi ke nik’aj chik tinamit, e are k’ut pa ub’i’ ri komon winaq tinamit eri kakipatanij ri’ are le ya’olchajinik chi ke konojel rech uq’atexik b’anow k’ax ri’ ri k’i kamisanik ub’anom chik ri’”.

Pa k’isb’al rech ri’e ri viceministro xuya’ ub’ixik jupaj utzijonik chi ke ri eqa’lenelab’ ajchajin tinamit keraqataj chi’, “Chakinimaj b’a’ ri kichak jacha’ tane’ chi rij ri’ k’o kuya’ jun kub’sib’al k’u’x kumal ri konojel ri e Ajchajin Tinamit ri’, we ix utz kito wa’ jun utak’alemtzij ri’, pa le jun chik juwinaq junab’ katz’aqat chik sib’alaj utz ri’. Utzalaj ib’antajik pa utz’aqatil junab’ ri’ ix loq’ taq ajchajinelab’ rech chik’owisaj b’a’ pa joremal ki’kotem ri’”.

Eri Ajkalte Q’atb’altzij, Álvaro Arzú, xkub’isaj ub’ixik ri’ che sibalaj loq’ utz ri kichak patan ri PNC ketajin che ub’anik ri’” pa le junwinaq junab’ chik ri’ k’o ri kichakum ri’, eri eqa’lenelab’ ri’ sib’alaj jikom pa kib’antajil ri’, k’o k’i junab’ tijchuq’ab’ kib’anom ri’ e k’o e kaminaq chi ke kiya’m kan kalk’uwal ri’ rumal k’ut eri eqa’lenelab’ ri’ kijachom kib’ pa ya’olchajinik chi ke ri winaq tiamit e aj iximulew ri’ xuquje’ qas kaqaloq’oj uwach ri kichak kib’anom ri eqa’lenelab’ ajchajil tinamit ri’”.

COMPARTIR