Eri Viceministro rech Q’atel k’ax, Axel Romero kuk’ ri k’amal b’e rech ri cooperación Internacional, ri nuk’wokajil rech taqawokaj ri’ xuquje’ ruk’ ri Komon Winaqilal ri’ xetatb’enik pa tinamit pa le ujachik ri cholb’al chak rech ri Programa Niñas y Niños rech pa chak patan ri’.

Eri Programa Líderes ri ketajin pa chak patan kuk’ ri taq ak’alab’ ri’, ri are k’o 11 xuquje’ pa 16 kijunab’, rech 5to. xuquje’ 6to. Primaria, pa taq jalajoj tijob’al ib’ ri e k’o pa taq wokja k’olib’em kak’ulmataj wi k’ax pa we amaq’ ri’, rech taq uq’ab’tinamit rech Uk’u’x Nimatinamti Iximulew, rech Mixco, rech Villa Nueva xuquje’ rech Amatitlán, ri pa 25 sábados chik xek’oji pa jun nim tijonem rech Uxe’al jikom b’anow k’aslemalil ri’ xuquje’ rech Loq’k’aslemalil pa jikom b’anow chak patan pa tinamit ri’.

Eri uwach taq ri k’isb’al uwach we k’uttijonem chi ke taq ak’alab’ ri’ eri taq ak’alab’ ri’ k’o jumulaj uwach taq xkita ri’ chi ke ri q’atb’altzij chi rij ya’olchajinik kub’sib’al k’u’x ri’, xuquje’ chi rij ub’anikil tijonem ruk’ upatanixik utzwachil pa tinamit ri’.

Eri Viceministro Romero xuk’am k’ut uwach ri xta che xuquje’ xuya’ ub’ixik chi ke taq ak’alab’ e k’amal b’e ri’ rech xub’ij chi ke ri xk’amataj uwach ri xkita che, rumal ri’ eri are kuterenb’ej unimaxik ri chomanik chi ke ri’, are kurilo rech kuchomaj uwach ri’ xuquje’ are karetaj ri b’anow chomanik chi rij ri’ are rech b’a’ ke’utoq’ij ri q’atb’altzij rech kakinimaj uwach ri kichak kipatan ri’ pa le ketajin wiri’.

Eri taqawokajnel ri’ xuya’ ub’ixik che are wa’ k’o nim kupatanij uta’ik uwach ri’ chi rij le katajin uta’ik che kumal ri loq’olaj taq ak’alab’ ri’, ri are wa’ jun b’anow chuq’ab’ chakunik ri’.

“Eri taq ak’alab’ ri’ keta’m k’ut ri ketajin che uta’ik ri’, pa le ropanb’alil pa saqilb’anem chak patan ri’, ri k’iyemal winaqilal ri’ xuquje’ ub’anikil ri cholchak pa le usuk’umaxik ri ya’olchajinik kub’sib’al k’u’x chi ke ri’”, xcha’ ri Romero.

Xuquje’ xuya’ ub’ixik che k’o nim upatan we e are jun konojel ri winaqilal ke’oksax pa le b’anow chomanik chi ke ri taq ak’alab’ ri’ kuk’ ri alab’om alitom ri’, xa’rumal k’ut man junam ta ruk’ ri b’anow chomanik xaq tane’ pa jachakunb’alil ri’ ruk’ kojb’al ub’anikil no’jchakunem ri’, man junam ta ruk’ are ke’l b’ik jun che kita’ik kichomaxik ri winaq tinamit ri’ are ri’ ri qas kuya’o ukiy ri jun b’anow choman cholchak ri’.