Xopan pa 37 mil chi eqa’lenelab’ pa kajilab’al kiwokajil ri PNC

389

Aretaq xya’taj kiwujil keqle’nib’al e 2 mil 128 k’ak’ eqa’lenelab’, e kajilab’al pa kiwokajil e ajchajin tinamit ri’ are xopan pa 37 mil pa konojel ri’, ri no’jimal kajach kuwach ri’ pa taq ri comisarías kek’oji wi, je ri’ xuya’ utzijolil ri Ministro rech Gobernación, Francisco Rivas Lara, pa le ya’b’al eqle’mnib’al ri xb’antaj pa le Campo rech Maniob’ras pa zona 6 rech nimatinamit ri’.

Pa le loq’ ilb’anik rech Ya’b’al Eqle’mnik ri’, xuquje’ chi’ xetatb’en wi, ri viceministro rech Ya’olchajinik Ricardo Guzmán, ri viceministro Antinarcótico Oscar Dávila, xuquje’ ri k’amal b’e amaq’ Jimmy Morales xuquje’ ri ukab’ k’amal b’e amaq’ Jafeth Cabrera, ri xkya’ loq ub’ixik che ki’kotem chi ke rumal xkilo che xb’antaj wa’ jun nim chak patan ri’ kumal ri q’atb’altzij rech ri taqawokajnem ya’olchajinik pa amaq’ ri’.

Eri Ministro xub’ij che kejaq na kajlajuj k’olib’em ya’olchajinik na, “Eri uchomaxik are katajin ub’anik pa ub’eyal ri’, e k’i chik uwach ri comisarías, pa taq juyub’ tinamit, pa jalajoj taq uwokajil ri junam kib’anikil pa le b’anow chak patan ri’” xcha’ ri Rivas Lara.

Eri nima k’amal b’e amaq’ Jimmy Morales sib’alaj xuya’ ub’ixik che k’o tijob’al chuq’ab’ chak b’anom kumal ri q’atb’altzij rech ri Ministerio rech Gobernación ruk’ ri rech ri PNC, ri xuk’am uq’ab’il ub’ixik chi kuwach tinamit ri uchak patan k’o ruk’ we Amaq’il ri’ xuquje’ ruk’ ri utzalaj uwachinik uya’om chik ri ya’olchajinik chi ke ri winaq tinamit e aj iximulew ri’.

Eri nan tat xuquje’ ri e achalalil k’o nim kiq’ijol kakina’ ri’

Eri unan utat ri k’ak’ ajchajin tinamit, Diego Perez Orozco, aj pa San Marcos upetib’al ri are, xkib’ij k’ut che we kamik ri’ e k’o kajib’ ralk’uwal chik pa le PNC xuquje’ keta’m k’ut che ri kalk’uwal ri’ k’o ri k’ax pa kichak kipatan ri’ pa le uq’atexik ri b’anol taq k’ax keleq’anik kekamisanik ri’, rumal k’u wari’ pa uq’ab’ ri Nimatat Chi kaj kakiya’ wiri’.

 “Ri in tajin kinch’ob’o che ri kichak patan konojel ri’ are sib’alaj k’ax pane’ b’a’ jeri’ kinna’ k’ut jun nim kiq’ijol kakiya’o pa wanima’ xa’rumal sib’alaj ketajin pa ya’olchajinik chi ke ri winaq pa tinamit xuquje’ pa juntir we amaq’ qatinamit ri’”, xcha’ ri Robelia Orozco le jun nan ri’.

Rumal ri’ eri María Victoria Cruz aj Guastatoya, el Progreso ri are ri unab’ ri a Selvin Cruz, xub’ij che ri unab’ ri’ che ri k’ak’ eqa’lenel chajin tinamit ri’ k’o nim q’ijol kuna’o pa ranima’ xuquje’ rumal ri’ sib’alaj kaki’kotik ri’ xuquje’ k’a we kamik ri’ kuta che ri Qatat chi kaj kub’an b’a’ che ri uxib’al rech kub’an jun utzalaj ajchajin tinamit ri’, rech man k’ot kutz’ilij wi rib’ xuquje’ rech kuya’ uq’ab’ chi rij rech man k’ot k’ax kuraq tane’.

COMPARTIR