Pa ik’ noviembre e k’i taq winaq xekamisaxik pa taq le k’isb’al taq lajuj junab’ ri’

395

Xqaj loq pa jun 20% ri winaq xekam ta chik pa le juyub’ tinamit ri’, pa le ik’ noviembre eri rajilab’alil are qas xqaj loq chi rij ri’, man xaq ta pa le taqawokaj rech we kamik, xane’ are ri’ pa le k’isb’al lajuj junab’ ri’, je ri’ xuq’alajisaj ub’ixik ri Wokajil Ajchajil Tinamit Winaqil (PNC) ri’, are wari’ uwach ri ya’olchajinik b’anom kumal ri q’atb’altzij rech ri Ministerio rech Gobernación, rech pa le ya’olchajinik b’anom chi ke ri winaq tinamit pa Iximuluew Nimatinamit ri’.

Eri rajilab’alil rumal ri’ PNC, xuquje’ xuq’alajisaj ub’ixik ri nikpa’ opaninaq pa le juyub’ nimatinamit ri’, pa Iximulew nimatinamit are xk’ulmatajik pa jun 5% chi winaqil xekamisaxik, k’o 118 chi ke winaq xekamisaxik, e pa le junab’ 2015 are ch’i’ e k’o 124 ri’.

Pa taq le juntir le tzijol ri’, xuquje’ xq’alajisaxik che pa taq le q’ij 21 xuquje’ 22 rech ik’ Noviembre man k’ot winaq tane’ xekamisaxik pa le juyub’ nimatinamit rech Iximulew ri’, e pa le 2015 jewa’ pa taq le q’ij ri’ kanoq e k’o 8 winaq xekamisax ri’ kumal b’anol k’ax ri’.

Xuquje’ eri PNC xuya’ ub’ixik che pa taq le q’ij 5, 10, 11, 14, 20, 23 xuquje’  pa le 29 xa’ jub’ik b’anow k’ax xk’ulmataj pa we ik’ ri’, are chi’ xya’ ub’ixik che xa’ jun winaq xb’an k’ax che pa taq le jujun q’ij ri’ kanoq, xa’ b’a’ maltyox che ri cholchak rech q’atel b’anow k’ax rumal ri taqawokajnem ya’olchajinik pa amaq’ pa le kiq’atexik ri b’anow k’ax elaq’nik kamisanik ri’ kuk’ ri nuk’wokaj kamisanem ri’.

Eri q’atenik b’anow k’ax b’anom are kuk’utu ri tijob’al chuq’ab’ kojom pa komonchak ri’ le petinaq uchakuxik rumal ri Gobernación ruk’ ri Wokajil Ajchajil Tinamit ri’ (PNC), pa le ub’eyal cholchak rech ya’olchajinik chi ke ri winaqilal pa nimatinamit ri’, chi rij taq kejach’ich’ xuquje’ che kaqan xewa’katik che ya’olchajinem pa taq kik’olib’al  kijaqib’al winaq ri k’o sib’alaj k’ax kak’ulmataj b’anow k’ax ri’, xuquje’ chi’ k’u ri’ ri sib’alaj ya’olchajinik ri’ kojom kumal ri q’atb’altzij rech kiq’atexik ri molaj nuk’wokaj b’anow taq k’ax ri’.

COMPARTIR